Veður

Hiti nær allt að fjór­tán stigum yfir daginn

Atli Ísleifsson skrifar
Spáð er að hitinn skríði yfir fimmtán stigum í flestum landshlutum.
Spáð er að hitinn skríði yfir fimmtán stigum í flestum landshlutum. Vísir/Vilhelm

Veðurstofan spáir suðaustan golu í dag, en strekkingi við suður- og suðvesturströndina. Víða bjartviðri, en það verður skýjað að mestu á Austurlandi, og einnig má búast við skýjum af og til sunnantil á landinu.

Í hugleiðingum veðurfræðings segir að hiti verði yfirleitt fimm til fjórtán stig yfir daginn.

„Suðaustan kaldi eða strekkingur og bjart með köflum á suðvestanverðu landinu á morgun, en hægari vindur og víða léttskýjað annars staðar. Þó eru líkur á þokulofti við norðvesturströndina þegar líður á daginn. Það hlýnar heldur, en hitinn skríður líklega yfir 15 stig í flestum landshlutum,“ segir í færslunni.

Veðurhorfur á landinu næstu daga

Á miðvikudag: Suðaustlæg eða breytileg átt 3-8 m/s og léttskýjað, en 8-15 og bjart með köflum S-til. Hiti 7 til 16 stig.

Á fimmtudag: Breytileg átt 3-8 og léttskýjað, en suðaustan 8-13 og sums staðar skýjað við S-ströndina. Hiti breytist lítið.

Á föstudag: Gengur í suðaustan 8-15 með rigningu, en víða bjartviðri um landið N-vert. Áfram milt í veðri.

Á laugardag: Suðlæg átt 10-18 og rigning með köflum, en úrkomulítið N-til. Hiti 7 til 12 stig, en hiti að 18 stigum NA-lands.

Á sunnudag: Suðvestlæg átt og rigning eða skúrir, hiti 4 til 10 stig. Bjartviðri um landið NA-vert með hita að 15 stigum.

Á mánudag: Suðlæg átt og skúrir, einkum S- og V-lands. Hiti breytist lítið.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið