Samúel Kári fór meiddur af velli á 27. mínútu en þá var staðan orðin 1-0 Rosenborg í vil. Hún var 2-0 í hálfleik og það var svo Hólmar Örn sem skoraði þriðja markið með góðum skalla þegar tæp klukkustund var liðin.

Tvö mörk með stuttu millibili gulltryggð svo frábæran 5-0 sigur Rosenborg í dag. Hólmar Örn og félagar komnir með fjögur stig að loknum tveimur leikjum en Viking er með þrjú stig.