Ísland fellur um sex sæti á heimslistanum og ekki verið neðar í átta ár

Í síðustu landsleikjahrinu tapaði Ísland fyrir Þýskalandi og Armeníu en vann Liechtenstein í undankeppni HM 2022. Fyrir leikinn gegn Liechtensteinum höfðu Íslendingar tapað sjö leikjum í röð.

Ísland hefur ekki verið neðar á styrkleikalistanum síðan 2013, eða í átta ár.

Staða sex efstu liða á listanum er óbreytt. Belgía er enn á toppi hans, heimsmeistarar Frakklands í 2. sæti og Brasilía í því þriðja.

Eftir þrjá sigra í síðustu landsleikjahrinu fer Danmörk upp um tvö sæti og í 10. sæti listans. Svíþjóð fer einnig upp um tvö sæti og er í 18. sæti. Noregur er í 42. sæti og Finnland tíu sætum neðar.

Listann má sjá með því að smella hér.

Efstu tíu liðin á styrkleikalistanum