Armenar án síns langbesta manns en eru ósigraðir í sex leikjum í röð Ingvi Þór Sæmundsson skrifar 27. mars 2021 11:01 Armenar fagna eftir að Noah Frommelt, leikmaður Liechtenstein, setti boltann í eigið mark í leik liðanna í undankeppni HM í fyrradag. getty/DeFodi Images Líkt og Ísland er Armenía án síns besta manns en úrslitin í síðustu leikjum armenska liðsins sýna að það þarf að taka það alvarlega. Íslendingar geta náð í sín fyrstu stig í undankeppni HM 2022 þegar þeir sækja Armena heim í Jerevan klukkan 16:00 á morgun. Á meðan Ísland tapaði 3-0 fyrir Þýskalandi í fyrsta leik sínum í undankeppninni í fyrradag vann Armenía Liechtenstein, 0-1. Sigurinn var þó langt frá því að vera sannfærandi en eina mark leiksins var sjálfsmark sem kom sjö mínútum fyrir leikslok. Klippa: Markið úr leik Liechtenstein og Armeníu Íslendingar verða án Gylfa Þórs Sigurðssonar í þessari landsleikjahrinu og Armenar eru líka án síns besta leikmanns, Henrikhs Mkhitaryan. Það er engu logið að Mkhitaryan sé langstærsta stjarna armenska liðsins, bæði fyrr og síðar. Hann gerði góða hluti í Úkraínu og Þýskalandi og hefur spilað vel með Roma á Ítalíu eftir erfið ár á Englandi þar sem hann lék með Manchester United og Arsenal. Armenar verða að spjara sig án Henrikhs Mkhitaryan.GETTY/Matteo Ciambelli Mkhitaryan er fyrirliði armenska landsliðsins og markahæsti leikmaður þess frá upphafi með þrjátíu mörk. Keppnin um knattspyrnumann ársins í Armeníu er ekki spennandi en Mkhitaryan hefur hlotið þá viðurkenningu tíu sinnum á síðustu tólf árum. Öfugt við Gylfa hefur Mkhitaryan aldrei leikið á stórmóti og í sannleika sagt ekkert verið neitt sérstaklega nálægt því. Armenía hefur aldrei lent ofar en í 3. sæti síns riðils í undankeppni stórmóts. Það var í undankeppni EM 2012 en Armenar voru þá nálægt því að komast í umspil um sæti á lokamótinu. Armenía átti þó góðu gengi að fagna á síðasta ári, vann sinn riðil í C-deild Þjóðadeildarinnar og vann sér sæti í B-deildinni. Joaquín Caparrós tók við armenska landsliðinu í mars á síðasta ári. Armenar töpuðu fyrsta leiknum undir stjórn Caparrós, fyrir Norður-Makedóníumönnum 5. september, en hafa ekki tapað síðan, í sex leikjum í röð. Armenía hefur unnið fjóra af þessum leikjum og gert tvö jafntefli. Andstæðingarnir hafa vissulega ekki verið þeir sterkustu en Caparrós virðist vera á réttri leið með armenska liðið. Joaquín Caparrós hóf þjálfaraferilinn 1981. Þá var Arnar Þór Viðarsson, landsliðsþjálfari Íslands, þriggja ára.getty/DeFodi Images Caparrós er 65 ára Spánverji sem býr yfir gríðarlega mikilli reynslu. Hann stýrði meðal annars Sevilla um fimm ára skeið (2000-05) og gaf leikmönnum á borð Sergio Ramos og José Antonio Reyes sitt fyrsta tækifæri í aðalliði Sevilla. Caparrós hefur einnig stýrt félögum á borð við Deportivo La Coruna, Athletic Bilbao og Mallorca. Leikmannahópur Armeníu er ekki skipaður þekktustu nöfnunum enda leika flestir í honum í heimalandinu. Fjórir leika í Kasakstan, tveir í Grikklandi, einn í Rússlandi, á Kýpur, í Slóvakíu, Argentínu og Þýskalandi. Það er framherjinn Sargis Adamyan sem leikur með Hoffenheim. Hann hefur leikið 27 leiki fyrir þýska liðið og skorað sjö mörk. Varazdat Haroyan er fyrirliði armenska liðsins í fjarveru Mkhitaryans.getty/DeFodi Images Reynslan í armenska hópnum er ekkert sérstaklega mikil og miklu minni en í þeim í íslenska. Aðeins þrír í armenska liðinu hafa leikið yfir fimmtíu landsleiki: varnarmaðurinn Varazdat Haroyan og miðjumennirnir Kamo Hovhannisyan og Gevorg Ghazaryan. Sá síðastnefndi er bæði leikja- og markahæstur í armenska hópnum með 73 landsleiki og fjórtán mörk. Ísland og Armenía hafa þrisvar sinnum áður mæst. Þau voru saman í riðli í undankeppni EM 2000. Fyrri leikurinn í Jerevan endaði með markalausu jafntefli en það var fyrsti leikur Íslendinga eftir jafnteflið við heimsmeistara Frakka. Ísland vann svo seinni leikinn á Laugardalsvelli, 2-0. Ríkharður Daðason og Rúnar Kristinsson skoruðu mörkin. Ragnar Sigurðsson lék gegn Armeníu fyrir þrettán árum.vísir/vilhelm Íslendingar og Armenar mættust svo á æfingamóti á Möltu í febrúar 2008. Ísland vann 2-0 sigur með mörkum Tryggva Guðmundssonar og Gunnars Heiðars Þorvaldssonar. Tveir leikmenn sem eru í íslenska hópnum í dag spiluðu þann leik, þeir Birkir Már Sævarsson og Ragnar Sigurðsson. Alls munar 53 sætum á Íslandi og Armenía á styrkleikalista FIFA. Armenar eru í 99. sæti en Íslendingar í 46. sæti. Armenía hefur hæðst komist í 30. sæti styrkleikalistans í febrúar 2014. Leikur Armeníu og Íslands hefst klukkan 16:00 á morgun og verður í beinni textalýsingu á Vísi. HM 2022 í Katar Mest lesið Fjöldi fótboltafólks sýnir Palestínu stuðning Fótbolti „Stórkostlegt fyrir íslenskt íþróttalíf“ Handbolti Davíð Smári ekki á hliðarlínunni í næsta leik Vestra Íslenski boltinn Meistaradeild Evrópu áfram á Stöð 2 Sport næstu árin Fótbolti NFL-leikmaður sakaður um kynferðisofbeldi í flugi Sport Klopp til í skrúðgöngu missi Man. City tvo titla til Liverpool Enski boltinn Vinalegi risinn í CrossFit heiminum er frá Íslandi Sport „Þetta verður bara stríð“ Körfubolti Grindvíkingar verða áfram í Smáranum Körfubolti Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn Fleiri fréttir 1 af hverjum 5 atvinnumönnum notar nikótínpúða Guardiola ráðlagði Bayern að ráða Kompany Uppáhaldsfólkið í stúkunni þegar markadrottningin var verðlaunuð Ten Hag gæti þurft að bíða lengi eftir ákvörðun um framtíð sína Klopp til í skrúðgöngu missi Man. City tvo titla til Liverpool Fjöldi fótboltafólks sýnir Palestínu stuðning Meistaradeild Evrópu áfram á Stöð 2 Sport næstu árin Albert í liði ársins hjá tölfræðiveitunni Opta Davíð Smári ekki á hliðarlínunni í næsta leik Vestra Systurfélag Man City komið með sama styrktaraðila og stóri bróðir Markvarðamartröð KR: „Getur ekki barist um titla þegar markverðirnir gefa trúðamörk“ Elías Már skoraði tvívegis og sæti í efstu deild blasir við Toppbaráttan fjarlægur draumur eftir tap gegn meisturunum Telur að Orri Steinn fái enn stærra hlutverk í Kaupmannahöfn UEFA gæti fært United í Sambandsdeildina Fjögur félög græddu langmest á félagaskiptum Njósnarar Liverpool áttu að fylgjast með Koopmeiners en hrifust að öðrum Edu getur ekki sagt það sem hann langar að segja um City Ten Hag skýtur á Slot: „Fólk hefur látið of mikið með Feyenoord“ Rígur Íslendingaliðanna sá til þess að keppni var endurvakin eftir 27 ára hlé Létu Valsmenn heyra það: „Þarna sjáið þið hvað þeim er farið að líða illa“ Orri Steinn til Ítalíu? Courtois fer ekki með Belgum á EM „Tanaður Lárus Orri mættur á svæðið“ Segjast „niðurlægðar“ og hættar í landsliðinu Langþráð í Lautinni: Sjáðu mörkin úr fyrsta sigri Fylkismanna „Ég er ekki kraftaverkamaður“ Rashford kveður samfélagsmiðla í bili og sendir smá pillu Ronaldo fyrsti markakóngurinn í fjórum löndum Ætlar að spila á ný þrátt fyrir að hafa verið við dauðans dyr Sjá meira
Íslendingar geta náð í sín fyrstu stig í undankeppni HM 2022 þegar þeir sækja Armena heim í Jerevan klukkan 16:00 á morgun. Á meðan Ísland tapaði 3-0 fyrir Þýskalandi í fyrsta leik sínum í undankeppninni í fyrradag vann Armenía Liechtenstein, 0-1. Sigurinn var þó langt frá því að vera sannfærandi en eina mark leiksins var sjálfsmark sem kom sjö mínútum fyrir leikslok. Klippa: Markið úr leik Liechtenstein og Armeníu Íslendingar verða án Gylfa Þórs Sigurðssonar í þessari landsleikjahrinu og Armenar eru líka án síns besta leikmanns, Henrikhs Mkhitaryan. Það er engu logið að Mkhitaryan sé langstærsta stjarna armenska liðsins, bæði fyrr og síðar. Hann gerði góða hluti í Úkraínu og Þýskalandi og hefur spilað vel með Roma á Ítalíu eftir erfið ár á Englandi þar sem hann lék með Manchester United og Arsenal. Armenar verða að spjara sig án Henrikhs Mkhitaryan.GETTY/Matteo Ciambelli Mkhitaryan er fyrirliði armenska landsliðsins og markahæsti leikmaður þess frá upphafi með þrjátíu mörk. Keppnin um knattspyrnumann ársins í Armeníu er ekki spennandi en Mkhitaryan hefur hlotið þá viðurkenningu tíu sinnum á síðustu tólf árum. Öfugt við Gylfa hefur Mkhitaryan aldrei leikið á stórmóti og í sannleika sagt ekkert verið neitt sérstaklega nálægt því. Armenía hefur aldrei lent ofar en í 3. sæti síns riðils í undankeppni stórmóts. Það var í undankeppni EM 2012 en Armenar voru þá nálægt því að komast í umspil um sæti á lokamótinu. Armenía átti þó góðu gengi að fagna á síðasta ári, vann sinn riðil í C-deild Þjóðadeildarinnar og vann sér sæti í B-deildinni. Joaquín Caparrós tók við armenska landsliðinu í mars á síðasta ári. Armenar töpuðu fyrsta leiknum undir stjórn Caparrós, fyrir Norður-Makedóníumönnum 5. september, en hafa ekki tapað síðan, í sex leikjum í röð. Armenía hefur unnið fjóra af þessum leikjum og gert tvö jafntefli. Andstæðingarnir hafa vissulega ekki verið þeir sterkustu en Caparrós virðist vera á réttri leið með armenska liðið. Joaquín Caparrós hóf þjálfaraferilinn 1981. Þá var Arnar Þór Viðarsson, landsliðsþjálfari Íslands, þriggja ára.getty/DeFodi Images Caparrós er 65 ára Spánverji sem býr yfir gríðarlega mikilli reynslu. Hann stýrði meðal annars Sevilla um fimm ára skeið (2000-05) og gaf leikmönnum á borð Sergio Ramos og José Antonio Reyes sitt fyrsta tækifæri í aðalliði Sevilla. Caparrós hefur einnig stýrt félögum á borð við Deportivo La Coruna, Athletic Bilbao og Mallorca. Leikmannahópur Armeníu er ekki skipaður þekktustu nöfnunum enda leika flestir í honum í heimalandinu. Fjórir leika í Kasakstan, tveir í Grikklandi, einn í Rússlandi, á Kýpur, í Slóvakíu, Argentínu og Þýskalandi. Það er framherjinn Sargis Adamyan sem leikur með Hoffenheim. Hann hefur leikið 27 leiki fyrir þýska liðið og skorað sjö mörk. Varazdat Haroyan er fyrirliði armenska liðsins í fjarveru Mkhitaryans.getty/DeFodi Images Reynslan í armenska hópnum er ekkert sérstaklega mikil og miklu minni en í þeim í íslenska. Aðeins þrír í armenska liðinu hafa leikið yfir fimmtíu landsleiki: varnarmaðurinn Varazdat Haroyan og miðjumennirnir Kamo Hovhannisyan og Gevorg Ghazaryan. Sá síðastnefndi er bæði leikja- og markahæstur í armenska hópnum með 73 landsleiki og fjórtán mörk. Ísland og Armenía hafa þrisvar sinnum áður mæst. Þau voru saman í riðli í undankeppni EM 2000. Fyrri leikurinn í Jerevan endaði með markalausu jafntefli en það var fyrsti leikur Íslendinga eftir jafnteflið við heimsmeistara Frakka. Ísland vann svo seinni leikinn á Laugardalsvelli, 2-0. Ríkharður Daðason og Rúnar Kristinsson skoruðu mörkin. Ragnar Sigurðsson lék gegn Armeníu fyrir þrettán árum.vísir/vilhelm Íslendingar og Armenar mættust svo á æfingamóti á Möltu í febrúar 2008. Ísland vann 2-0 sigur með mörkum Tryggva Guðmundssonar og Gunnars Heiðars Þorvaldssonar. Tveir leikmenn sem eru í íslenska hópnum í dag spiluðu þann leik, þeir Birkir Már Sævarsson og Ragnar Sigurðsson. Alls munar 53 sætum á Íslandi og Armenía á styrkleikalista FIFA. Armenar eru í 99. sæti en Íslendingar í 46. sæti. Armenía hefur hæðst komist í 30. sæti styrkleikalistans í febrúar 2014. Leikur Armeníu og Íslands hefst klukkan 16:00 á morgun og verður í beinni textalýsingu á Vísi.
HM 2022 í Katar Mest lesið Fjöldi fótboltafólks sýnir Palestínu stuðning Fótbolti „Stórkostlegt fyrir íslenskt íþróttalíf“ Handbolti Davíð Smári ekki á hliðarlínunni í næsta leik Vestra Íslenski boltinn Meistaradeild Evrópu áfram á Stöð 2 Sport næstu árin Fótbolti NFL-leikmaður sakaður um kynferðisofbeldi í flugi Sport Klopp til í skrúðgöngu missi Man. City tvo titla til Liverpool Enski boltinn Vinalegi risinn í CrossFit heiminum er frá Íslandi Sport „Þetta verður bara stríð“ Körfubolti Grindvíkingar verða áfram í Smáranum Körfubolti Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn Fleiri fréttir 1 af hverjum 5 atvinnumönnum notar nikótínpúða Guardiola ráðlagði Bayern að ráða Kompany Uppáhaldsfólkið í stúkunni þegar markadrottningin var verðlaunuð Ten Hag gæti þurft að bíða lengi eftir ákvörðun um framtíð sína Klopp til í skrúðgöngu missi Man. City tvo titla til Liverpool Fjöldi fótboltafólks sýnir Palestínu stuðning Meistaradeild Evrópu áfram á Stöð 2 Sport næstu árin Albert í liði ársins hjá tölfræðiveitunni Opta Davíð Smári ekki á hliðarlínunni í næsta leik Vestra Systurfélag Man City komið með sama styrktaraðila og stóri bróðir Markvarðamartröð KR: „Getur ekki barist um titla þegar markverðirnir gefa trúðamörk“ Elías Már skoraði tvívegis og sæti í efstu deild blasir við Toppbaráttan fjarlægur draumur eftir tap gegn meisturunum Telur að Orri Steinn fái enn stærra hlutverk í Kaupmannahöfn UEFA gæti fært United í Sambandsdeildina Fjögur félög græddu langmest á félagaskiptum Njósnarar Liverpool áttu að fylgjast með Koopmeiners en hrifust að öðrum Edu getur ekki sagt það sem hann langar að segja um City Ten Hag skýtur á Slot: „Fólk hefur látið of mikið með Feyenoord“ Rígur Íslendingaliðanna sá til þess að keppni var endurvakin eftir 27 ára hlé Létu Valsmenn heyra það: „Þarna sjáið þið hvað þeim er farið að líða illa“ Orri Steinn til Ítalíu? Courtois fer ekki með Belgum á EM „Tanaður Lárus Orri mættur á svæðið“ Segjast „niðurlægðar“ og hættar í landsliðinu Langþráð í Lautinni: Sjáðu mörkin úr fyrsta sigri Fylkismanna „Ég er ekki kraftaverkamaður“ Rashford kveður samfélagsmiðla í bili og sendir smá pillu Ronaldo fyrsti markakóngurinn í fjórum löndum Ætlar að spila á ný þrátt fyrir að hafa verið við dauðans dyr Sjá meira
Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn
Markvarðamartröð KR: „Getur ekki barist um titla þegar markverðirnir gefa trúðamörk“ Íslenski boltinn