Leiðtogar smyglhringsins dæmdir í fangelsi

Samúel Karl Ólason skrifar 22. janúar 2021 15:19

Lík fólksins voru flutt til Víetnam í nóvmeber 2019. EPA/BUI LAM KHANH

Fjórir menn hafa verið dæmdir samtals 78 ára í fangelsi vegna dauða 39 farandmanna og kvenna frá Víetnam sem fundust í gámi í Essex árið 2019. Fólkið hefði kafnað í gámnum á meðan verið var að flytja hann frá Belgíu til Bretlands.

Þeir Ronan Hughes og Gheroghe Nica eru leiðtogar smyglhrings sem flutti fólkið og voru dæmdir í tuttugu ára fangelsi annars vegar og 27 ára fangelsi hins vegar.

Eamonn Harrison, sem keyrði gámnum frá Frakklandi til Belgíu var dæmdur í átján ára fangelsi og Maurice Robinson, sem tók við gámnum í Bretlandi var dæmdur í rúmlega þrettán ára fangelsi.

Fjórir voru dæmdir í fangelsi í Víetnam í fyrra.

Sjá einnig: Fjórir dæmdir eftir að 39 fundust látin í vörubíl

Samkvæmt frétt Sky var það Robinson sem uppgötvaði að fólkið væri dáið í gámnum en hann beið með að hringja í sjúkrabíl í 23 mínútur.

Hughes hafði sent Robinson skilaboð um að hleypa lofti inn í gáminn þegar hann tæki við honum en sagt honum að passa að enginn myndi sleppa úr gámnum. Lögmenn allra mannanna sögðu þá ekki hafa vitað hve margir væru í gámnum.

Í hópi hinna látnu voru 31 karlmaður og átta konur. Þeir yngstu í hópnum voru tveir fimmtán ára drengir.

Fólkið kafnaði og náði hitinn í gámnum í allt að 38,5 gráður.

BREAKING: Four men have been sentenced to a total of 78 years in prison in connection with the deaths of 39 Vietnamese immigrants who suffocated in the back of a lorry.

Read more: https://t.co/vphXnQnvaE pic.twitter.com/91ui3uTazC
— Sky News (@SkyNews) January 22, 2021

Bretland Víetnam

Tengdar fréttir

Eigandi flutningabílsins játar að hafa orðið 39 að bana

28. ágúst 2020 15:20

Tveir fimmtán ára drengir á meðal hinna látnu í gámnum

Lögregla hefur birt nöfn þeirra 39 sem fundust látin í kæligámi flutningabíls í Essex í Bretlandi þann 23. október síðastliðinn.

8. nóvember 2019 20:32

Biður bræður um að gefa sig fram vegna vörubílsins í Essex

Lögregla í Bretlandi hefur lýst eftir tveimur norður-írskum bræðrum í tengslum við rannsókn á dauða 39 manna sem fundust látin í vörubíl í bænum Grays í síðasta mánuði.

1. nóvember 2019 11:35

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.