Innlent

Sveimandi lægð stjórnar veðri helgarinnar

Vésteinn Örn Pétursson skrifar
Vepurspáin um hádegi í dag.
Vepurspáin um hádegi í dag. Veðurstofa Íslands/Skjáskot

Veðri helgarinnar er stjórnað af lægð sem sveimar um landið. Sökum nálægðar hennar við landið er veður fjölbreytt á landinu, austlæg átt og rigning austanlands framan af degi en breytilegar áttir í öðrum landshlutum.

Þetta kemur fram í hugleiðingum veðurfræðings Veðurstofu Íslands.

Þar segir að eftir hádegi og fram á morgundaginn verði vestlæg átt sunnantil með skúrum eða slydduél en hæg breytileg átt um landið norðanvert.

Þá verði slydda eða snjókoma með köflum norðaustanlands en éljagangur á Norðurlandi Vestra. Hiti um og yfir frostmark en tekur að kólna seint á morgun.

Veðurhorfur á landinu næstu daga, samkvæmt Veðurstofu Íslands:

Á sunnudag:

Vestan og norðvestan 8-15 m/s, hvassast með Suðurströndinni, en hægari norðanlands. Slydda eða snjókoma á norðanverðu landinu og skúrir eða él suðvestantil, en þurrt að kalla á Suðausturlandi. Hiti nærri frostmarki.

Á mánudag og þriðjudag:

Ákveðin norðanátt með snjókomu eða éljum á norðanverðu landinu en bjart með köflum sunnan heiða. Víða vægt frost.

Á miðvikudag og fimmtudag:

Norðanátt með éljum, en léttskýjað syðra og frost á öllu landinu.

Á föstudag:

Útlit fyrir stífa norðanátt með snjókomu en skýjað með köflum og þurrt að kalla sunnanlands. Talsvert frost.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.