Vændiskonur geta haft allt að fimm milljónir fyrir nóttina í Cannes

Kvikmyndahátíðin í Cannes er að hefjast en sögur heyrast af óheyrilegum fjármunum sem lúxus-vændiskonur eru að hafa uppúr krafsinu í tengslum við hátíðina þá.

Því er haldið fram að háklassa vændiskonur geti haft hátt í fimm milljónir króna fyrir nóttina í tengslum við snekkjupartí sem haldin eru meðan kvikmyndahátíðin í Cannes stendur yfir. Að sögn líbanska athafnamannsins Elia Nahas eru vændiskonurnar að hafa umtalsvert meira uppúr krafsinu en fólk getur ímyndað sér. Nahas var var handtekinn árið 2007 fyrir að reka vændishring sem var með starfsemi í Cannes en hann gerði út meira en fimmtíu konur sem einkum sinntu forríkum mönnum frá Mið-Austurlöndum sem sækja hátíðina. Nahas, sem er 48 ára og afplánar nú átta ára fangelsisdóm, fullyrðir í samtali við The Hollywood Reporter að þær geti haft allt upp í fimm milljónir fyrir nóttina.

Hann segir Araba örlátustu menn veraldar og ef þeir eru ánægðir þá eru þeir ósínkir á féð. Og þegar þeir eru í Cannes eru þeir sumir hverjir með ókjör fjár með sér til að eyða. Fyrir þeim er þetta bara pappír, þeir telja ekki einu sinni seðlana heldur afhenda stúlkunum þá án umhugsunar, segir Nachas. Hann á módelskrifstofu í Beirut og starfaði þá fyrir Moatessem Gadhafi, son Muammar Gadhafi, sem myrtur var í Líbýu árið 2011. Hann heldur fram sakleysi sínu og neitar því að hafa verið að reka vændishring en segist vita hvernig hlutirnir ganga fyrir sig.

Og víst er að mikið er um dýrðir í Cannes og svallsamt lífernið fylgir. Haft er eftir Roger Ebert heitnum, hinum fræga kvikmyndagagnrýnanda, að: „Vændiskonurnar bera af í Cannes, þær eru vel klæddar og reykja ekki.“

Sjá nánar hér.