Hörmulegur árekstur í Tælandi

Nítján fórust þegar tveggja hæða farþegavagn og vörubíll skullu saman í Tælandi í morgun.

Að minnsta kosti 20 slösuðust en óhappið átti sér stað í Saraburi-héraði. Vagninn var á ferð frá Bangkok til Roi Et, en eldur blossaði upp í farþegavagninum eftir áreksturinn. Í fyrstu var ekki vitað hversu margir farþegar voru í vagninum. Lögreglurannsókn stendur yfir. Allir sem fórust voru í farþegavagninum. Vörubílsstjórinn hefur verið handtekinn en slysið atvikaðist þannig að vörubíllinn kom úr gagnstæðri átt og ók yfir á vegarhelming farþegavagnsins.