Örlög Julian Assange ráðast í dag

Dómstóll í London ákveður í dag hvort Julian Assange stofnandi Wikileaks verði framseldur til Svíþjóðar.

Yfirvöld í Svíþjóð hafa sakað hann um að nauðga einni konu og beita aðra kynferðislegu ofbeldi. Assange hefur neitað sakargiftunum og segir þær vera pólitískar.

Héraðsdómari í London hafði áður komist að þeirri niðurstöðu að framselja bæri Assange til Svíþjóðar. Þeim úrskurði var áfrýjað til æðra dómstigs, eða High Court, sem birta mun úrskurð sinn í málinu í dag.