Fótbolti

Franska tímabilið er dautt en ekki Meistaradeildardraumur PSG

Óskar Ófeigur Jónsson skrifar
Kylian Mbappe og Thiago Silva fagna marki Paris Saint-Germain. Félagið hefur eytt stjarnfræðilegum peningi í það að búa til lið sem getur náð langt í Meistaradeildinni.
Kylian Mbappe og Thiago Silva fagna marki Paris Saint-Germain. Félagið hefur eytt stjarnfræðilegum peningi í það að búa til lið sem getur náð langt í Meistaradeildinni. Getty/Xavier Laine

Paris Saint Germain ætlar sér að klára tímabilið í Meistaradeildinni þótt að tímabilið í frönsku deildinni hafi verið flautað af í gær.

Franska deildin 2019-20 verður aldrei kláruð en næstu leikir í henni fara fram í ágúst og verða þá hluti af 2020-21 tímabilinu.

Franska knattspyrnusambandið varð að taka þessa ákvörðun eftir að frönsk stjórnvöld bönnuðu í gær alla íþróttaviðburði fram í ágúst.

Paris Saint-Germain er eitt af fjórum liðum sem voru búin að tryggja sér sæti í átta liða úrslitum Meistaradeildarinnar en PSG sló Borussia Dortmund út úr sextán liða úrslitunum.

Paris Saint Germain hefur beðið lengi eftir árangri í Meistaradeildinni en komst loksins í gegnum sextán liða úrslitin í ár.

Nasser Al-Khelaifi, forseti Paris Saint Germain, er ekki tilbúinn að gefa frá sér sætið þrátt fyrir ástandsins heima í Frakklandi og liðið mun leita allra leið til að leikir liðsins í Meistaradeildinni fari fram í sumar.

„Ef það er ekki möguleiki fyrir okkur að spila heimaleiki okkar í Frakklandi þá munu við spila leikina utan Frakklands,“ sagði Nasser Al-Khelaifi, forseti PSG, eftir að hafa fengið fréttirnar um frönsku deildina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.