Hættið þið þessu væli

Sepp Blatter forseti FIFA segir að Englendingar séu einfaldlega tapsárir og skilur ekkert í þessu væli þeirra yfir því að England skyldi ekki fá að halda heimsmeistaramótið í knattspyrnu árið 2018. Breskir fjölmiðlar hafa farið hamförum yfir þessu síðan úrslitin lágu fyrir.

England fékk aðeins tvö atkvæði af 22 og Englendingar hafa sakað FIFA um að vera að hefna sín vegna umfjöllunar fjölmiðla um spillingu innan sambandsins. Blatter segir hinsvegar að niðurstaðan liggi ljós fyrir og Englendingar verði að sætta sig við hana.