Fjórir látnir eftir aftakaveður í Bandaríkjunum

Fjórir létu lífið og fjölmargir hlutu meiðsli auk þess sem mikið tjón varð á mannvirkjum þegar aftakaveður gekk yfir Missouri, Kentucky og Vestur-Virginíu í Bandaríkjunum um helgina. Þak fauk af slökkvistöð og vatnshreinsunarstöð stórskemmdist svo eitthvað sé nefnt, auk þess sem fjöldi bíla skemmdist, ýmist fuku þeir í storminum eða urðu fyrir fjúkandi hlutum. Hjón létust þegar tré féll á bíl þeirra. Unnið var að því í gær að meta tjónið og koma þeim til aðstoðar sem þurftu hjálp en þá var veðrið gengið niður.