Þúsundir reyna að komast inn

Til mikilla átaka hefur komið milli lögreglu og mótmælenda við Gaza-svæðið þar sem þúsundir manna ætla að freista þess að fara inn á svæðið sem ríkisstjórn Ísraels ætlar að rýma í ágúst. Tjaldbúðir mótmælendanna voru girtar af seint í gærkvöld og slagsmál brutust út. Þá dró lögregla nokkra óróaseggi í burtu og handtók þá. Yfirmenn lögreglunnar segjast ætla að koma í veg fyrir að mótmælendurnir komist inn á svæðið þar sem það muni erfiða mjög brottflutninginn í ágúst ef þar verður fjöldinn allur af óánægðum gyðingum. Mótmælendurnir láta engan bilbug á sér finna og ætla að halda áfram að mótmæla næstu dagana.  Í morgun ákváðu Hamas-samtökin og Fatah-hreyfingin að leggja niður vopn en í gær slösuðust þrettán manns í átökum þeirra á milli á Gaza-svæðinu.