Chirac vitni í sakarannsókn

Jacques Chirac, fyrrverandi Frakklandsforseti, mun á næstu mánuðum þurfa að bera vitni í rannsókninni á spillingarhneykslismáli frá þeim árum sem hann var borgarstjóri í París og formaður gaullistaflokksins RPR. Lögmaður Chiracs staðfesti þetta í gær.

Rannsóknin snýst um það hverjir báru ábyrgð á því að starfsmenn RPR voru settir á launaskrá hjá borginni. „Gervi­starfahneykslið“ er sá baggi úr pólitískri fortíð Chiracs sem gæti reynst honum skaðlegastur nú þegar hann nýtur ekki lengur friðhelgi sem forseti.