Pearce: Ég var aðeins afleysingastjóri

Stuart Pearce, fráfarandi knattspyrnustjóri Manchester City, segist ekki sjá eftir neinu í stjórnartíð sinni hjá félaginu, en segist þó hafa á tilfinningunni að hann hafi ekki verið annað en afleysingastjóri vegna þess hve lítið fé honum var veitt til að kaupa leikmenn.

"Forveri minn (Kevin Keegan) fékk í kring um 50 milljónir punda til að eyða í leikmenn og ef félagið verður keypt á næstunni er ég viss um að næsti stjóri muni fá annað eins til að styrkja hópinn og halda liðinu í úrvalsdeildinni," sagði Pearce. Það að missa starfið er bara partur af fótboltanum og ég er hvorki barnalegur né vitlaus - ég vissi að þetta gæti gerst. Mér fannst við vera á réttri leið en okkur skorti fé til að komast ofar í töflunni," sagði Pearce.