Fótbolti

Kostulegar stofuæfingar aðstoðardómara

Sindri Sverrisson skrifar
Aðstoðardómarar þurfa að halda sér við í fótboltahléinu sem nú er vegna kórónuveirufaraldursins.
Aðstoðardómarar þurfa að halda sér við í fótboltahléinu sem nú er vegna kórónuveirufaraldursins. VÍSIR/GETTY

Frank Komba frá Tansaníu er aðstoðardómari sem ætlar svo sannarlega að mæta í góðu formi til leiks þegar fótboltinn hefst að nýju eftir aðgerðir vegna kórónuveirufaraldursins.

Komba er með alþjóðleg réttindi frá FIFA en kostulegt myndskeið þar sem hann sýnir æfingar sínar í stofunni heima hjá sér hefur vakið talsverða athygli. Þar tekur Komba snögg hliðarskref og veifar svo flaggi sínu eins og hann myndi gera í alvöru leik, til að dæma rangstöðu eða innkast.

Komba fer alla leið í tilburðum sínum og talar til að mynda til ímyndaðra leikmanna sem mótmæla ákvörðun hans. Henry Birgir Gunnarsson og Kjartan Atli Kjartansson birtu myndbandið í Sportinu í dag og höfðu gaman af en hægt er að sjá það hér að neðan.

Klippa: Línuvörður í heimaæfingum

Sportið í dag er á dagskrá á Stöð 2 Sport alla virka daga klukkan 15.00. Upptökur af fyrri þáttum má nálgast á sjónvarpsvef Stöðvar 2. Stöð 2 Sport er hluti af Sportpakkanum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.