Grímuklædd á síðasta ríkisráðsfundi ársins

Kristín Ólafsdóttir skrifar 31. desember 2020 13:23

Ráðherrar ríkisstjórnarinnar og forseti Íslands á ríkisráðsfundi í morgun. Skjáskot/Stöð 2

Ríkisráð kom saman til fundar á Bessastöðum klukkan 11 í síðasta sinn á árinu. Löng hefð er fyrir því að ráðið, sem samanstendur af ráðherrum ríkisstjórnarinnar og forseta Íslands, komi saman til fundar á Bessastöðum á gamlársdag.

Forseti ákveður fundi ríkisráðs eftir tillögum forsætisráðherra og stýrir fundunum. Bera skal upp fyrir forseta í ríkisráði öll lög, þar á meðal bráðabirgðalög og mikilvægar stjórnarráðstafanir.

Ráðherrar ríkisstjórnarinnar auk Guðna Th. Jóhannessonar forseta Íslands voru allir viðstaddir fundinn í morgun. Öll sem eitt báru þau grímur, líkt og sést á mynd sem tekin var á fundinum í dag.

Lillý Valgerður Pétursdóttir fréttamaður ræddi við Katrínu Jakobsdóttur forsætisráðherra fyrir fundinn, sem kvaðst horfa björtum augum til næsta árs.

Alþingi Ríkisstjórn Katrínar Jakobsdóttur Áramót Forseti Íslands

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.