Lífið

Bubbi hefur selt verk fyrir 30 milljónir

Stefán Árni Pálsson skrifar
Verk Bubba Morthens ruku út. 
Verk Bubba Morthens ruku út.  vísir/vilhelm

Óhætt er að segja að sala á textaverkum Bubba Morthens gangi ótrúlega vel. Um er að ræða textaverk af frumtextum Bubba sem seld eru ýmist í lit eða svart-hvítu og í takmörkuðu upplagi.

Á rúmlega viku eru 24 af þeim 26 verkum sem fóru í sölu uppseld. Hann hefur nú þegar selt verk fyrir 30 milljónir.

Verkin ruku hreinlega út en meðal þeirra textaverka sem til sölu eru má meðal annars nefna setningar eins og:

„Fingurnir gældu við stálið kalt“

„Hittust á laun leku í friði og ró í skugganum sat talía. Hvítir hestar dróu vaggnin - með Rómeó við hliðans sat Júlíu“

„Elskendum í stormi sem aldrei sáu að ástin var aðeins blindsker“

„Þaug trúðu á drauma mirkvið svart. Fraumarnir tilbáðu þaug.“

„Set Bowí á fónin, þitt uppáhalds var vældis the Wind“

Hér má sjá frumtexta úr laginu Afgan.

Öll þessi verk eru uppseld. Þegar þessi grein er skrifuð eru aðeins 50 verk eftir, 15 af verkinu Ha – Ha – Hæ Þúsund þorskar og 35 verk af Það er æla inn á baðinu. Ef þau seljast öll tekur Bubbi inn 1,7 milljónir í viðbót.

„Þetta er langt fram úr því sem við reiknuðum með,“ sagði Páll Eyjólfsson umboðsmaður Bubba í samtali við Vísi á laugardagskvöldið. 

 Vefsíðan Bubbi.is hefur nú verið breytt í vefverslun og eru öll verkin nánast orðin uppseld. Eins og áður segir eru aðeins tvö verk eftir og eru þau bæði svart-hvít en öll litaverkin eru uppseld og kostar stykkið af litaverkunum fjörutíu þúsund.

Bubbi fór á dögunum af stað með miðasölu fyrir Þorláksmessutónleikana árlegu en þeir verða í beinni útsendingu og hægt verður að kaupa miða á tónleikana í gegnum myndlykla Símans og Vodafone og síðan verður einnig hægt að kaupa streymi á tix.is. Miðinn á tónleikana kostar 2000 krónur.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.