Enski boltinn

Bent setur spurningar­merki við vinnu­fram­lag Auba­mey­ang

Anton Ingi Leifsson skrifar
Pierre-Emerick Aubameyang er í vandræðum sem og allt Arsenal liðið.
Pierre-Emerick Aubameyang er í vandræðum sem og allt Arsenal liðið. Getty/Visionhaus

Darren Bent, fyrrum framherji í enska boltanum og nú spekingur, segir að Pierre-Emerick Aubameyang, framherji Arsenal, sé ekki að leggja sig eins mikið fram og áður, eftir að hann fékk nýjan samning.

Framherjinn skrifaði undir nýjan samning þann 15. september og hann hefur einungis skorað fjögur mörk í tólf leikjum í ár. Arsenal er í miklum vandræðum og margir sett spurningarmerki við Aubameyang.

„Þeir eru ekki að ná því besta úr Aybameyang. Hann er ekki að spila vel. Ég veit að við tölum um að þeir eru ekki að skapa færin fyrir hann en hann þarf að vinna meira fyrir þessu sjálfur,“ sagði Bent í samtali við talkSPORT.

„Þú getur augljóslega ekki bara kennt öllum öðrum um. Hann var frábær þangað til hann skrifaði undir nýjan samning. Við þurfum einhvern til þess að skapa, ég skil það, en hann þarf einnig að gera meira sjálfur.“

„Fyrir undirskriftina var hann að hlaupa út um allt, hlaupa til baka og tæklandi. Hann var að gera ansi mikið og fólk hélt að það myndi halda áfram en eftir að hann skrifaði undir samninginn þá hefur það horfið.“

„Ég veit að framherjar fara í gegnum erfiða tíma þegar þú ert ekki að skora mörk og sjálfstraustið er lágt en þú getur enn lagt þig fram og það er skiljanlegt að fólk spyrji sig spurninga,“ bætti Bent við.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.