Fótbolti

Sjáðu mörkin á lokamínútunum sem enduðu EM-draum Íslands

Óskar Ófeigur Jónsson skrifar
Dominik Szoboszlai fagnar sigurmarki sínu í kvöld.
Dominik Szoboszlai fagnar sigurmarki sínu í kvöld. Getty/Laszlo Szirtesi

Íslenska karlalandsliðið missti af möguleikanum á því að komast á Evrópumótið næsta sumar þegar liðið fékk á sig tvö mörk á lokamínútunum á móti Ungverjum í Búdapest í kvöld.

Íslenska liðið komst yfir á elleftu mínútu og var enn með forystuna 87 mínútur voru liðnar af leiknum.

Ungverjar voru mikið með boltann en náðu ekki að komast sér í merkileg færi.

Ungversku leikmennirnir höfðu heppnina með sér í jöfnunarmarkinu þegar boltinn datt fyrir varamanninn Loic Négo sem jafnaí á 88. mínútu.

Vonarstjarnan Dominik Szoboszlai sýndi síðan mikil einstaklingsgæði í sigurmarkið sem kom í uppbótatíma. Szoboszlai átti þá frábært skot sem endaði EM-draum Íslands.

Hér fyrir neðan má sjá þessi mörk sem gerðu út um vonir Íslands að komast á þriðja stórmótið í röð.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.