Leeds á toppinn í ensku B-deildinni

Leeds United tyllti sér á topp ensku B-deildarinnar í fótbolta í dag þegar liðið bar sigurorð af Huddersfield með tveimur mörkum gegn engu á sama tíma og WBA gerði markalaust jafntefli við Swansea.

Luke Ayling og Patrick Bamford sáu um markaskorun Leeds sem hefur eins stigs forystu á WBA.

Fyrr í dag gerði Fulham 1-1 jafntefli við Bristol City en Fulham er sjö stigum frá toppsætinu.

Mörg af toppliðunum misstigu sig í 37.umferðinni en það átti þó ekki við Brentford sem vann 5-0 sigur á Sheffield Wednesday og lyfti sér þar með upp í 4.sæti deildarinnar.