Erlent

Tuttugu látnir eftir ó­eirðirnar í Delí

Atli Ísleifsson skrifar
Kveikt var í hjólbarðamarkaði í Delí í gær.
Kveikt var í hjólbarðamarkaði í Delí í gær. Getty

Tuttugu manns eru nú látnir í óeirðum sem geisað hafa í indversku höfuðborginni Delí síðustu þrjár nætur.

Til til átaka kom fyrst á sunnudagskvöld þegar íbúar í borginni mótmæltu nýjum lögum um ríkisborgararétt sem eru sögð sett til höfuðs múslimum í landinu.

Þá kom til átaka á milli mótmælenda og lögreglu en í nótt virðist sem ráðist hafi verið að heimilum og verslunum múslima í borginni.

Óttast er að til enn frekari átaka komi á milli hindúa og múslima í borginni og berast fregnir af vígahópum úr hvoru liði sem gangi um göturnar vopnaðir byssum og járnrörum.

Að minnsta kosti tvær moskur hafa verið skemmdar í átökunum en nýju lögin sem deilt er um gera það auðveldara fyrir fólk frá Pakistan, Afganistan og Bangladess að fá ríkisborgararétt á Indlandi, svo lengi sem ekki sé um múslima að ræða.


Tengdar fréttir

Sjö létu lífið í mót­mælum í Delí

Fólkið hafði komið saman til að mótmæla umdeildum nýjum lögum í landinu sem varða ríkisborgararétt og var tækifærið nýtt til mótmæla á meðan Donald Trump Bandaríkjaforseti kom í sína fyrstu opinberu heimsókn til Indlands.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.