Hildur kölluð inn í íslenska landsliðshópinn
Jón Þór Hauksson, landsliðsþjálfari íslenska kvennalandsliðsins, hefur þurft að gera eina breytingu á hópi sínum sem tekur þátt í Pinatar-mótinu á Spáni í næstu viku.
Hildur Antonsdóttir, leikmaður Breiðabliks, hefur verið kölluð inn í íslenska landsliðshópinn í stað Alexöndru Jóhannsdóttur en báðar leika þær með Breiðablik.
Hildur leikur venjulega í stöðu miðjumanns og hefur leikið 135 leiki í efstu deild hér á landi og skorað í þeim 27 mörk. Þessi 25 ára gamli miðjumaður hefur einnig leikið HK/Víking sem og Val í efstu deild.
Hildur hefur ekki enn leikið fyrir A-landsliðið en hún hefur alls leikið 40 leiki með yngri landsliðum Íslands og skorað í þeim sjö mörk.
Jón Þór Hauksson, landsliðsþjálfari A kvenna, hefur gert breytingu á landsliðshópnum sem tekur þátt í æfingamóti á Spáni í næstu viku.#dottirhttps://t.co/gAChMjQXNX
— Knattspyrnusambandið (@footballiceland) February 28, 2020
Tengdar fréttir
Kórónuveiran farin að hafa áhrif á íslenska kvennalandsliðið í fótbolta
Berglind Björg Þorvaldsdóttir verður ekki með íslenska kvennalandsliðinu á Pinatar Cup æfingamótinu á Spáni sem hefst í byrjun næsta mánaðar.
