Ögmundur fer til grísku meistaranna í sumar

Ögmundur Kristinsson gengur í raðir Grikklandsmeistara PAOK eftir tímabilið. Þetta herma heimildir Fótbolta.net.

Undanfarin tvö ár hefur Ögmundur leikið við góðan orðstír með Larissa í Grikklandi.

Sverrir Ingi Ingason hefur leikið með PAOK frá því á síðasta ári.

PAOK er í 2. sæti grísku úrvalsdeildarinnar, tveimur stigum á eftir toppliði Olympiacos.

Auk Larissa hefur Ögmundur leikið með Hammarby í Svíþjóð, Randers í Danmörku og Excelsior í Hollandi. Hér heima lék hann með Fram.