Shrewsbury tapar meira en 80 milljónum á ákvörðun Klopp

Jürgen Klopp, knattspyrnustjóri Liverpool, verður ekki á Anfield í kvöld ekki frekar en stjörnur aðaliðsfélags þrátt fyrir að Liverpool mæti þar Shrewsbury Town í ensku bikarkeppninni.

Shrewsbury Town náði 2-2 jafntefli í fyrri leiknum og tryggði sér um leið annan leik en lið berjast í kvöld um sæti í sextán liða úrslitunum þar til að úrslitin ráðast.

Jürgen Klopp var búinn að gefa sínum mönnum frjálsan tíma í vetrarfríinu og var ekki tilbúinn að stytta frí leikmannanna sinna.

Þrátt fyrir að sigurlíkur Shrewsbury Town aukist mikið með þessari ákvörðun þýska knattspyrnustjórans þá missir félagið einnig af miklum peningum vegna hennar.

Sam Ricketts, knattspyrnustjóri Shrewsbury Town, segir að félagið muni missa af um 500 þúsund pundum vegna þessarar ákvörðunar Jürgen Klopp en það er meira en 81 milljón í íslenskum krónum.

„Þetta er risastórt. Tekjurnar eru lífsnauðsynlegar fyrir félag eins og okkar sem er að viðhalda sjálfu sér,“ sagði Sam Ricketts.

„Félag eins og okkar á það að geta aflað 600 þúsund pundum með því að mæta aðalliði Liverpool en í staðinn erum við bara að frá hundrað þúsund pund. Hver einasta króna skiptir máli hjá okkar félagi. Mestu vonbrigðin eru því að missa af þessum tekjum,“ sagði Sam Ricketts.

Liverpool ákvað að selja miðana á leikinn á helmingsafslætti vegna þess að aðalliðið verður ekki á svæðinu og það hefur mikil áhrif á tekjur Shrewsbury. Félagið fær nú á bilinu 100 til 150 þúsund pund í stað þess að fá meira en tvöfalda þá upphæð.

Félagið tapar líka peningi á því að leikurinn verður ekki í beinni sjónvarpsútsendingu og Shrewsbury verður því líka af tekjum vegna sjónvarpsréttarins.

Shrewsbury getur samt glatt sig yfir því að liðið fær leik á móti Chelsea í næstum umferð slái liðið Liverpool út í kvöld. Þar gæti félagið fengið meiri tekjur.