Lögin sem komast áfram á fyrra undankvöldinu að mati Wiwi-bloggs

Nú þegar komið er í ljós hvaða lög taka þátt í Söngvakeppninni 2020 eru sérfræðingarnir farnir að gera sér mat úr lögunum. 10 lög keppa í ár og keppnin hefst þegar fyrri undanúrslitin fara fram í Háskólabíói þann 8. febrúar en þá munu fyrri fimm lögin keppa.

Seinni undanúrslitin fara fram 15. febrúar en þá verða seinni fimm lögin flutt.

Þeir William og Deban hjá virtu Eurovision-bloggsíðunni wiwi-bloggs hafa nú gefið út myndband á YouTube þar sem þeir fóru yfir fyrri undanriðilinn.

Lögin sem verða flutt í þeim riðli eru:

Ævintýri

Flytjandi: Kid Isak

Lag: Þormóður Eiríksson, Kristinn Óli Haraldsson og Jóhannes Damian Patreksson

Texti: Þormóður Eiríksson og Kristinn Óli Haraldsson

Augun þín / In your eyes

Flytjandi: Brynja Mary

Lag: Brynja Mary Sverrisdóttir og Lasse Qvist

Texti: Kristján Hreinsson

Enskur texti: Brynja Mary Sverrisdóttir

Almyrkvi

Flytjandi: DIMMA

Lag: DIMMA

Texti: Ingó Geirdal

Elta þig / Haunting

Flytjandi: Elísabet

Lag: Elísabet Ormslev og Zoe Ruth Erwin

Texti: Daði Freyr

Enskur texti: Zoe Ruth Erwin

Klukkan tifar / Meet me halfway

Flytjendur: Ísold og Helga

Lag: Birgir Steinn Stefánsson og Ragnar Már Jónsson

Texti: Stefán Hilmarsson

Enskur texti: Birgir Steinn Stefánsson, Ragnar Már Jónsson og Stefán Hilmarsson

Hér að neðan má sjá þeirra yfirferð en þessir sérfræðingar telja að Elísabet Ormslev og Dimma eigi eftir að gera gott mót á fyrra kvöldinu og fara áfram. 

William mætti í Júrógarðinn í Tel Aviv síðasta vor og þar kom fram að hann elskar framlögin oft á tíðum frá Íslandi. Hann hélt aftur á móti ekki vatni yfir Hatara.