Innlent

Ekið á tvo ljósastaura á skömmum tíma

Samúel Karl Ólason skrifar
Lögreglunni barst einnig tilkynning um eld í rusli við hús en greiðlega gekk að slökkva hann.
Lögreglunni barst einnig tilkynning um eld í rusli við hús en greiðlega gekk að slökkva hann. Vísir/Vilhelm

Lögreglunni á höfuðborgarsvæðinu bárust í gærkvöldi tvær tilkynningar um að ekið hefði verið á ljósastaura. Í annað skiptið missti ökumaður stjórn á bíl sínum og ók á ljósastaur svo bíllinn valt á hliðina. Ökumaðurinn sjálfur var fluttur á sjúkrahús til skoðunar en virtist hafa sloppið án meiðsla, samkvæmt dagbók lögreglu.

Hitt atvikið átti sér stað á Þingvallavegi og urðu engin slys á fólki. Bæði atvikin gerðust á rétt rúmlega klukkutíma.

Lögreglunni barst einnig tilkynning um eld í rusli við hús en greiðlega gekk að slökkva hann.

Ein líkamsárás átti sér stað í Grafarvogi þar sem Dyravörður hafði afskipti af ölvuðum manni og var að vísa honum úr húsi. Í staðinn kom til handalögmála og var lögregla kölluð til. Þá var einn ökumaður stöðvaður í nótt, grunaður um akstur undir áhrifum fíkniefna og vörslu fíkniefna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.