Tvö mörk frá Casemiro komu Real Madrid á toppinn

Real Madrid komst á topp spænsku úrvalsdeildarinnar með 2-1 sigri á Sevilla á heimavelli í dag.

Brasilíski miðjumaðurinn Casemiro skoraði bæði mörk Real Madrid í leiknum.

Það fyrra kom á 57. mínútu en Luuk de Jong jafnaði fyrir gestina sjö mínútum síðar.

Á 69. mínútu skoraði Casemiro sigurmark Real Madrid með skalla eftir fyrirgjöf Lucas Vásquez.

Barcelona getur endurheimt toppsætið með sigri á Granada á morgun.

Sevilla er í 4. sæti deildarinnar með 35 stig, átta stigum á eftir Real Madrid.