Framundan 2020: Loksins Brexit, Ólympíuleikar, og forsetakosningar í Bandaríkjunum Atli Ísleifsson skrifar 4. janúar 2020 10:00 Forval bandarískra Demókrata, forsetakosningar í Bandaríkjunum, útganga Bretlands úr Evrópusambandinu, spenna í samskiptum Bandaríkjanna og Írana, Ólympíuleikar í Tókýó og EM í fótbolta. Reikna má með að þessi mál verði áberandi í fréttum á árinu sem nú er nýhafið þó að ýmislegt fleira muni að sjálfsögðu einnig bera á góma. Þetta verður líka mögulega árið þar sem einkafyrirtækin Boeing og SpaceX munu fljúga mönnum út í geim og íbúar á Nýju-Kaledóníu samþykkja að lýsa yfir sjálfstæði. Vísir hefur tekið saman brot af því markverðasta sem verður á dagskrá á erlendum vettvangi á árinu 2020 sem er nú gengið í garð. Janúar Tæknisýningin CES 2020 fer fram í Las Vegas dagana 7. til 10. janúar.EM í handbolta karla fer fram í Austurríki, Noregi og Svíþjóð dagana 10. til 26. janúar. Íslendingar eru í riðli með Dönum, Ungverjum og Rússum og verða leikir okkar í riðlinum spilaðir í Malmö í Svíþjóð. Þrátt fyrir ítrekaðar frestanir virðist nú fátt því til fyrirstöðu að Bretland muni loksins ganga úr Evrópusambandinu þann 31. janúar. Pete Buttigieg sækist eftir að verða forsetaefni bandarískra Demókrata.EPA Febrúar Leikurinn um Ofurskálina (Super Bowl LIV) í ameríska fótboltanum fer fram á Hard Rock-vellinum í Flórida 2. febrúar. Fyrsta forval Demókrata vegna forsetakosninganna fer fram í Iowa þann 3. febrúar. Næsta fer svo fram í New Hampshire 11. febrúar.Hlaupársdagur! Að loknum 28. febrúar kemur nú dagurinn 29. febrúar líkt og gerist jafnan á fjögurra ára fresti. Dagarnir á árinu eru því 366 á þessu ári.Forsetakosningar fara fram í Slóvakíu á hlaupársdegi. Mars Þingkosningar fara fram í Ísrael þann 2. mars. Þetta verða þriðju þingkosningarnar í landinu á innan við ári. Apríl Þingkosningar fara fram í Norður-Makedóníu þann 12. apríl. Þá munu Chilemenn greiða atkvæði um nýja stjórnarskrá þann 26. apríl. Sama dag eru haldnar þingkosningar í Serbíu.Fimm hundruð ár verða liðin frá dauða ítalska endurreisnarlistamannsins Rafael þann 6. apríl. Verður þess minnst með fjölda sýninga. Eurovision fer fram í Hollandi í maí.EPA Maí Eurovision fer fram í Rotterdam í Hollandi, dagana 12., 14. og 16. maí. Alls mun 41 þjóð senda sinn fulltrúa. Úrslitaleikur Meistaradeildar Evrópu fer fram á Atatürk-vellinum í Istanbúl þann 30. maí. Júní Evrópumótið í knattspyrnu (EM) hefst þann 12. júní og stendur til 12. júlí. Mótið er haldið í tólf borgum í tólf löndum. Opnunarleikurinn fer fram í Róm (Ítalía á móti Tyrklandi), en úrslitaleikurinn á Wembley í London. Í ljós kemur á vordögum hvort að Ísland fái þátttökurétt á mótinu. Á sama tímabili, 12. júní til 12. júlí, fer fram Copa América, Suður-Ameríkukeppnin í fótbolta, í Argentínu og Kólumbíu. Júlí Flokksþing bandarískra Demókrata fer fram dagana 13. til 16. júlí í Milwaukee í Wisconsin. Þar munu þeir formlega velja sinn frambjóðenda sem væntanlega verður andstæðingur Donald Trump Bandaríkjaforseta í kosningunum 3. nóvember. Bandaríska geimvísindastofnunin NASA skýtur geimfari á loft þann 17. júlí sem mun stefna á Mars til að kanna möguleika og forsendur fyrir mönnuðum geimferðum síðar meir. Þjóðarleikvangurinn í Tókýó. Þar mun opnununarhátíð leikanna fara fram auk þess að keppt verður í frjálsum íþróttum á vellinum.EPA Ólympíuleikarnir í Tókýó í Japan verða settir þann 24. júlí. Leikarnir standa til 9. ágúst. Ágúst Flokksþing bandarískra Repúblikana fer fram í Charlotte í Norður-Karólínu dagana 24. til 27. ágúst. Þar munu þeir formlega velja sinn forsetaframbjóðanda fyrir kosningarnar í nóvember.Paralympics, Ólympíumót fatlaðra, fer fram í Tókýó dagana 25. ágúst til 6. september. September Þjóðaratkvæðagreiðsla um hvort að Nýja-Kaledónía eigi að lýsa yfir sjálfstæði fer fram 6. september. Nýja-Kaledónía er franskt landsvæði, austur af Ástralíu og eru íbúar eyjanna tæplega 300 þúsund talsins. Samkvæmt samkomulagi frá 1998 mega Nýju-Kaledóníumenn framkvæma þrjár slíkar atkvæðagreiðslur og er þetta önnur í röðinni. Íbúar höfnuðu sjálfstæði í atkvæðagreiðslunni árið 2018. Golfmótið Ryder Cup verður haldið á Whistling Straits í Wisconsin dagana 25. til 27 september. Október Heimssýningin Expo 2020 verður opnuð í Dúbaí 20. október. Donald Trump stefnir á endurkjör.AP Nóvember Forsetakosningar fara fram í Bandaríkjunum þriðjudaginn 3. nóvember. Donald Trump mun þar reyna að tryggja sér sitt annað kjörtímabil.Þingkosningar fara fram á Nýja-Sjálandi á árinu. Kosningarnar þurfa að fara fram í síðasta lagi 21. nóvember næstkomandi, en enn á eftir að boða til sjálfra kosninganna þegar þetta er skrifað. Samhliða kosningunum fer fram þjóðaratkvæðagreiðsla í landinu um hvort að lögleiða eigi kannabis. Fulltrúar ríkja heims koma saman í Glasgow í Skotlandi í nóvember til að meta framgang mála þegar kemur að árangri við minnkun á losun gróðurhúsalofttegunda og þá í tengslum við skuldbindingar Parísarsamkomulagsins. Desember Haldið verður upp á 250 ára fæðingarafmæli þýska tónskáldsins Ludwig van Beethoven.Aðfangadagur jóla verður á fimmtudegi þetta árið. Fréttir ársins 2019 Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Útlagar spreyjaðir gylltir Innlent Auglýsa eftir „eiganda“ fjármuna Innlent Tíu sektaðir vegna notkunar nagladekkja Innlent „Ákveðnar efasemdir um ákveðna þætti“ Innlent Dómi Harvey Weinstein snúið við Erlent Helga Þórisdóttir komin með lágmarksfjölda meðmæla Innlent Ögurstund og opnunarhóf hjá frambjóðendum Innlent Tveir létust í banaslysi í Eyjafirði Innlent Fleiri fréttir Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Sjá meira
Forval bandarískra Demókrata, forsetakosningar í Bandaríkjunum, útganga Bretlands úr Evrópusambandinu, spenna í samskiptum Bandaríkjanna og Írana, Ólympíuleikar í Tókýó og EM í fótbolta. Reikna má með að þessi mál verði áberandi í fréttum á árinu sem nú er nýhafið þó að ýmislegt fleira muni að sjálfsögðu einnig bera á góma. Þetta verður líka mögulega árið þar sem einkafyrirtækin Boeing og SpaceX munu fljúga mönnum út í geim og íbúar á Nýju-Kaledóníu samþykkja að lýsa yfir sjálfstæði. Vísir hefur tekið saman brot af því markverðasta sem verður á dagskrá á erlendum vettvangi á árinu 2020 sem er nú gengið í garð. Janúar Tæknisýningin CES 2020 fer fram í Las Vegas dagana 7. til 10. janúar.EM í handbolta karla fer fram í Austurríki, Noregi og Svíþjóð dagana 10. til 26. janúar. Íslendingar eru í riðli með Dönum, Ungverjum og Rússum og verða leikir okkar í riðlinum spilaðir í Malmö í Svíþjóð. Þrátt fyrir ítrekaðar frestanir virðist nú fátt því til fyrirstöðu að Bretland muni loksins ganga úr Evrópusambandinu þann 31. janúar. Pete Buttigieg sækist eftir að verða forsetaefni bandarískra Demókrata.EPA Febrúar Leikurinn um Ofurskálina (Super Bowl LIV) í ameríska fótboltanum fer fram á Hard Rock-vellinum í Flórida 2. febrúar. Fyrsta forval Demókrata vegna forsetakosninganna fer fram í Iowa þann 3. febrúar. Næsta fer svo fram í New Hampshire 11. febrúar.Hlaupársdagur! Að loknum 28. febrúar kemur nú dagurinn 29. febrúar líkt og gerist jafnan á fjögurra ára fresti. Dagarnir á árinu eru því 366 á þessu ári.Forsetakosningar fara fram í Slóvakíu á hlaupársdegi. Mars Þingkosningar fara fram í Ísrael þann 2. mars. Þetta verða þriðju þingkosningarnar í landinu á innan við ári. Apríl Þingkosningar fara fram í Norður-Makedóníu þann 12. apríl. Þá munu Chilemenn greiða atkvæði um nýja stjórnarskrá þann 26. apríl. Sama dag eru haldnar þingkosningar í Serbíu.Fimm hundruð ár verða liðin frá dauða ítalska endurreisnarlistamannsins Rafael þann 6. apríl. Verður þess minnst með fjölda sýninga. Eurovision fer fram í Hollandi í maí.EPA Maí Eurovision fer fram í Rotterdam í Hollandi, dagana 12., 14. og 16. maí. Alls mun 41 þjóð senda sinn fulltrúa. Úrslitaleikur Meistaradeildar Evrópu fer fram á Atatürk-vellinum í Istanbúl þann 30. maí. Júní Evrópumótið í knattspyrnu (EM) hefst þann 12. júní og stendur til 12. júlí. Mótið er haldið í tólf borgum í tólf löndum. Opnunarleikurinn fer fram í Róm (Ítalía á móti Tyrklandi), en úrslitaleikurinn á Wembley í London. Í ljós kemur á vordögum hvort að Ísland fái þátttökurétt á mótinu. Á sama tímabili, 12. júní til 12. júlí, fer fram Copa América, Suður-Ameríkukeppnin í fótbolta, í Argentínu og Kólumbíu. Júlí Flokksþing bandarískra Demókrata fer fram dagana 13. til 16. júlí í Milwaukee í Wisconsin. Þar munu þeir formlega velja sinn frambjóðenda sem væntanlega verður andstæðingur Donald Trump Bandaríkjaforseta í kosningunum 3. nóvember. Bandaríska geimvísindastofnunin NASA skýtur geimfari á loft þann 17. júlí sem mun stefna á Mars til að kanna möguleika og forsendur fyrir mönnuðum geimferðum síðar meir. Þjóðarleikvangurinn í Tókýó. Þar mun opnununarhátíð leikanna fara fram auk þess að keppt verður í frjálsum íþróttum á vellinum.EPA Ólympíuleikarnir í Tókýó í Japan verða settir þann 24. júlí. Leikarnir standa til 9. ágúst. Ágúst Flokksþing bandarískra Repúblikana fer fram í Charlotte í Norður-Karólínu dagana 24. til 27. ágúst. Þar munu þeir formlega velja sinn forsetaframbjóðanda fyrir kosningarnar í nóvember.Paralympics, Ólympíumót fatlaðra, fer fram í Tókýó dagana 25. ágúst til 6. september. September Þjóðaratkvæðagreiðsla um hvort að Nýja-Kaledónía eigi að lýsa yfir sjálfstæði fer fram 6. september. Nýja-Kaledónía er franskt landsvæði, austur af Ástralíu og eru íbúar eyjanna tæplega 300 þúsund talsins. Samkvæmt samkomulagi frá 1998 mega Nýju-Kaledóníumenn framkvæma þrjár slíkar atkvæðagreiðslur og er þetta önnur í röðinni. Íbúar höfnuðu sjálfstæði í atkvæðagreiðslunni árið 2018. Golfmótið Ryder Cup verður haldið á Whistling Straits í Wisconsin dagana 25. til 27 september. Október Heimssýningin Expo 2020 verður opnuð í Dúbaí 20. október. Donald Trump stefnir á endurkjör.AP Nóvember Forsetakosningar fara fram í Bandaríkjunum þriðjudaginn 3. nóvember. Donald Trump mun þar reyna að tryggja sér sitt annað kjörtímabil.Þingkosningar fara fram á Nýja-Sjálandi á árinu. Kosningarnar þurfa að fara fram í síðasta lagi 21. nóvember næstkomandi, en enn á eftir að boða til sjálfra kosninganna þegar þetta er skrifað. Samhliða kosningunum fer fram þjóðaratkvæðagreiðsla í landinu um hvort að lögleiða eigi kannabis. Fulltrúar ríkja heims koma saman í Glasgow í Skotlandi í nóvember til að meta framgang mála þegar kemur að árangri við minnkun á losun gróðurhúsalofttegunda og þá í tengslum við skuldbindingar Parísarsamkomulagsins. Desember Haldið verður upp á 250 ára fæðingarafmæli þýska tónskáldsins Ludwig van Beethoven.Aðfangadagur jóla verður á fimmtudegi þetta árið.
Fréttir ársins 2019 Mest lesið „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Útlagar spreyjaðir gylltir Innlent Auglýsa eftir „eiganda“ fjármuna Innlent Tíu sektaðir vegna notkunar nagladekkja Innlent „Ákveðnar efasemdir um ákveðna þætti“ Innlent Dómi Harvey Weinstein snúið við Erlent Helga Þórisdóttir komin með lágmarksfjölda meðmæla Innlent Ögurstund og opnunarhóf hjá frambjóðendum Innlent Tveir létust í banaslysi í Eyjafirði Innlent Fleiri fréttir Trump líklegur til að græða á úrskurði Hæstaréttar Dómi Harvey Weinstein snúið við Tekur fyrir að hafa verið „hermaður Hitlers“ Maður á sextugsaldri sagður hafa stungið grunnskóladreng Sánchez íhugar að segja af sér vegna meintrar spillingar Spaðar Rauðu myllunnar hrundu til jarðar í nótt Skipulögðu árásir í Þýskalandi og víðar í nafni ISKP Fyrstu hergögnin eiga að berast til Úkraínu á næstu klukkustundum Segir ekki af sér þrátt fyrir njósnir aðstoðarmannsins Aðstoðarvarnarmálaráðherra ákærður fyrir mútuþægni Upptök eldsins í gömlu kauphöllinni enn ókunn Settur út af sakramentinu fyrir að stýra minningarstund um Navalní Handtóku barnunga öfgamenn eftir stunguárás í Sydney Ekki ólöglegt fyrir konur að brjóta gegn körlum Grunuð um að hafa banað tveimur börnum Vitni greinir frá ráðabruggi og lögmaður Trump fær viðvörun Öldungadeildin samþykkti 95 milljarða dala aðstoð við Úkraínu, Ísrael og Taívan Reyna að sigla um geiminn á geislum sólarinnar Lýsa yfir áhyggjum af fregnum af fjöldagröfum á Gasa Fá aftur gögn frá tæplega hálfrar aldar gömlu geimfari Umdeildur flutningur á hælisleitendum til Rúanda samþykktur Starfsmaður hægrijaðarflokks handtekinn fyrir njósnir fyrir Kína Gera alvarlegar athugasemdir við verðlaunakerfi Tik Tok Tugir handteknir á mótmælum háskólanema gegn aðgerðum Ísraels Undirbúa stærðarinnar sendingar til Úkraínu Engin sönnunargögn bendla UNRWA við árásina Hættu við umfangsmiklar árásir á Íran Sakaði Trump um að reyna að spilla kosningunum 2016 Dæmdu samskiptastjóra Meta fyrir að „verja hryðjuverk“ Modi sakaður um múslimaandúð í miðjum kosningum Sjá meira