Andrea Pirlo hefur verið ráðinn þjálfari Juventus en samningur hans gildir út næstu leiktíð.

Maurizio Sarri var í morgun rekinn úr starfi sem þjálfari félagsins eftir að Juventus datt út fyrir Lyon í 16-liða úrslitum Meistaradeilarinnar.

Sarri skilaði ítalska meistaratitlinum í hús en gengið í Meistaradeildinni varð til þess að hann var rekinn úr starfi.

Í síðasta mánuði var Pirlo ráðinn til starfa sem U23-þjálfari félagsins en nú er hann tekinn við aðalliðinu.

Þetta er fyrsta starf hans sem þjálfari en hann átti magnaðan feril, þar á meðal hjá Juventus.