Matthías Vilhjálmsson var allt í öllu er Vålerenga vann 2-1 sigur á Viking í Íslendingaslag í norsku úrvalsdeildinni í knattspyrnu í dag. Matthías og Axel Óskar Andrésson spiluðu báðir allan leikinn.
Matthías skoraði fyrsta markið á 18. mínútu leiksins er hann skallaði inn aukaspyrnu Herolind Shala.
Vi stiller med følgende elleve fra start mot @vikingfotball #OslosStolthet #ESNball pic.twitter.com/EPS8JMinIM
— Vålerenga Fotball (@ValerengaOslo) June 27, 2020
Vålerenga fékk vítaspyrnu á 62. mínútu en dómarinn vildi þá meina að Axel Óskar Andrésson hafði handleikið knöttinn innan vítateigs Viking.Matthías fór á punktinn en markvörður Viking sá við honum.
Það var svo stundarfjórðungi síðar sem Ylldren Ibrahimaj jafnaði metin. Sigurmarkið skoraði Deyver Vega fjórum mínútum fyrir leikslok.
Lokatölur 2-1 sigur Vålerenga sem er með sjö stig eftir fyrstu fjórar umferðirnar. Viking er hins vegar með eitt stig.
