Sparkaði í lögreglumann

Vésteinn Örn Pétursson skrifar 23. maí 2020 07:24

Lögreglan sinnti hundrað málum frá fimm til fimm í nótt. Vísir/Vilhelm

Um klukkan tvö í nótt handtók lögreglan á höfuðborgarsvæðinu konu í austurbæ Reykjavíkur fyrir að hafa sparkað í lögreglumann. Þetta kemur fram í dagbók lögreglu.

Skömmu fyrir miðnætti í nótt handtók lögreglan þá tvo menn í Mjóddinni, Þeir höfðu neitað að borga fyrir leigubifreið. Því næst reyndu þeir að stela vörum úr verslun í Mjóddinni.

Þá var tilkynnt um líkamsárás við Bústaðaveg upp úr miðnætti. Þegar lögreglu bar að garði voru gerendur á bak og burt, en málið er í rannsókn að sögn lögreglu.

Samkvæmt upplýsingum úr dagbók lögreglu sinnti lögreglan alls hundrað málum frá 17 í gær til 5 í morgun. Fimm manns sem handteknir voru á þessum tíma gista nú fangaklefa.

Reykjavík Lögreglumál

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.