Innlent

Allir íbúar hússins sem hýsir Berg komnir í sóttkví

Vésteinn Örn Pétursson og Kristín Ólafsdóttir skrifa
Dvalarheimilið Berg í Bolungarvík er í húsinu Árborg.
Dvalarheimilið Berg í Bolungarvík er í húsinu Árborg.

Allir íbúar í Árborg, húsnæði dvalarheimilisins Bergs í Bolungarvík, sæta nú sóttkví eftir að tveir íbúar í húsinu, sem ekki eru heimilismenn á Bergi, greindust með kórónuveiruna. Þetta staðfestir Gylfi Ólafsson, forstjóri Heilbrigðisstofnunar Vestfjarða, í samtali við fréttastofu og segir sóttkvínni hafa verið komið á í gær.

Árborg, sem iðulega gengur undir nafninu Hvíta húsið, hýsir hjúkrunarheimilið, safnaðarheimili kirkjunnar og íbúðir fyrir aldraða. Í frétt bæjarblaðsins Bæjarins besta segir að umræddir íbúar hússins hafi greinst með veiruna í fyrradag og báðir verið fluttir á sjúkrahús, annar til Reykjavíkur og hinn til Akureyrar.

Gylfi sagði í samtali við Vísi í morgun að sex væru smitaðir á Bergi og fjórir í einangrun. 75 hafa greinst með kórónuveiruna á Vestfjörðum, samkvæmt tölum á Covid.is.

Bolungarvík Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið