Fyrir­liðarnir tala saman á What­sApp: Einn kallaði launa­lækkunina ó­geðs­lega

Fyrirliðar allra liða í ensku úrvalsdeildinni skiptast á skilaboðum á samskiptaforritinu WhatsApp þar sem þeir ræða stöðuna sem upp er komin í fótboltanum en flest lið hafa beðið leikmenn sína um að taka á sig launalækkanir.

Leikmenn margra liða eru taldir mjög ósáttir hvernig forráðamenn félaganna hafi komið fram við þá og beðið þá um að taka á sig miklar launalækkanir. Talið er að öll félögin hafi beðið leikmennina um að taka á sig 30% launalækkun.

Einn fyrirliðinn á samkvæmt Daily Mail að hafa lýst framferði forráðamannanna sem ógeðslegri. Leikmennirnir eru taldir meira en reiðubúnir til þess að leggja baráttunni lið en vilja ekki að launalækkanirnar rati beint í vasa eiganda liðanna.

Talið er að félögin í enska boltanum muni að endingu tapa rúmlega milljarði punda taki leikmennirnir ekki á sig lækkanir en nú ræða fyrirliðarnir hvernig sé best að snúa sér í þessu erfiðu máli.