Innlent

Gular viðvaranir fyrir vestan og sunnan

Samúel Karl Ólason skrifar
Mikilli snjókomu er spáð á morgun.
Mikilli snjókomu er spáð á morgun. Vísir/Vilhelm

Veðurstofa Íslands hefur gefið út gular viðvaranir fyrir vestanvert- og sunnanvert landið í dag. Spáð er vaxandi norðaustanátt í dag sem mun ná í 15 til 25 metra á sekúndu eftir hádegi. Hvassast verður syðst. Él verður víða en úrkomulítið á suðvestanverðu landinu.

Í kvöld og í nótt mun svo bæta í vind og ofankomu með norðaustan stormi eða roki víða á morgun með talsverðri snjókomu og skafrenningi.

Annað kvöld mun þó hlýna og fara að rigna um landið sunnan- og austanvert.

Í hugleiðingum veðurfræðings segir að hvassast verði undi Eyjafjöllum og í Öræfum. Líkur séu á að færð geti spillst í flestum landshlutum á morgun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×