Erlent

Öfgafullir gyðingar mótmæla Gay Pride í Jerúsalem

Regnbogafáninn er tákn samkynhneigðra um víða veröld.
Regnbogafáninn er tákn samkynhneigðra um víða veröld. MYND/AP
Hópur öfgarétttrúaðra gyðinga kveiktu í ruslatunnum og hentu grjóti í lögreglumenn í Jerúsalem í kvöld til að mótmæla áætlun um að halda kröfugöngu samkynhneigðra í borginni helgu. Þrír lögreglumenn slösuðust og fimm mótmælendur voru handteknir í óeirðum sem ísraelskir fjölmiðlar kalla ein öfgafyllstu mótmæli í borginni í langan tíma.

Mótmælendurnir héldu á skiltum sem á stóð "Jerúsalem skal ekki verða Sódóma og Gómorra", með vísan til Biblíuborganna sem Guð eyðilagði vegna syndugs lífernis íbúanna.

Ganga samkynhneigðra verður farin um miðjan nóvember og hafa margir heittrúaðir gyðingar heitið því að trufla gönguna með ofbeldi. Þessi deila vekur upp áhyggjur af því að spenna magnist upp á milli öfgafullra rétttrúaðra gyðinga og veraldlegri gyðinga sem eru í meirihluta í Ísraelsríki.

Mest lesið


Fleiri fréttir

Sjá meira


×

Mest lesið