Eiður Smári borinn slasaður af velli

Eiður Smári Guðjohnsen var borinn slasaður af velli í leik liðs hans Barcelona við fyrrverandi liðsfélaga Eiðs í Chelsea. Ekki hafa borist neinar fréttir af því hversu illa Eiður er meiddur en eins og meiðslin litu út í sjónvarpi má gera ráð fyrir því að hann verði frá keppni í einhvern tíma.

Eiður skaddaðist á fæti í miðri tæklingu og leit jafnvel út fyrir að hann hafi slitið einhver bönd. Áður en Eiður meiddist á 77. mínútu náði hann þó að skora gegn gömlu félögunum.