Brottflutningi flýtt

Mótmæli gyðinga við brottflutning landnema frá Gaza-ströndinni virðast ætla að hafa þveröfug áhrif en ætlað var því í gær lét aðstoðarforsætisráðherra Ísraels þá skoðun sína í ljós að hraða bæri brottflutningnum þeirra vegna. Ehud Olmert, aðstoðarforsætisráðherra, sem er í forsvari fyrir rýmingunni, sagði í viðtali við ísraelska ríkisútvarpið í gær að hann teldi koma til greina að flýta rýmingunni. "Þessi átök kosta bæði tíma og peninga og leiða ekki til neins nema óþæginda." 20.000 lögreglu- og hermenn hafa undanfarna daga átt í útistöðum við mótmælendur í kröfugöngu til Gaza.