Mótmælaganga stöðvuð á Gaza

Tuttugu þúsund lögreglumenn og hermenn stöðvuðu í nótt mótmælagöngu við Gaza-svæðið. Sex þúsund manns tóku þátt í göngunni sem er ætlað að tefja brottfluttning Ísraela frá svæðinu. Skipuleggjendur mótmælanna segja rangt að fara í hart við lögreglu og hermenn núna en hins vegar hafi ekki verið endanlega hætt við mótmælin. Enn sé stefnt að því að komast á svæðin sem á að rýma og koma í veg fyrir að það takist. Í gær hafnaði ísraelska þingið svo tillögum um að fresta brottfluttningnum um eitt ár. Það er því ljóst að mótmælendurnir hafa skamman tíma til stefnu, enda minna en mánuður í að brottfluttningurinn hefjist.