Brotthvarfinu hugsanlega flýtt

Hugsanlegt er að brotthvarfi Ísraelsmanna frá hernumdum svæðum Palestínumanna frá Gaza-ströndinni verði flýtt. Þetta segir Ehud Olmert, varaforsætisráðherra Ísraels. Tilgangurinn væri að snúa á andstæðinga brotthvarfsins og koma í veg fyrir að þeir gætu valdið uppnámi. Sem stendur er gert ráð fyrir því að hefja brotthvarfið um miðjan ágústmánuð en harðlínuþjóðernissinnar og fleiri búa sig undir mótspyrnu og átök. Með því að flýta brotthvarfinu gera stjórnvöld sér vonir um að koma í veg fyrir aðgerðir harðlínumannanna.