Segir Hillary illgjarna konu

Newt Gingrich, fyrrverandi forseti neðri deildar bandaríska þingsins, kom mörgum á óvart með ummælum sínum um að Hillary Clinton væri „illgjörn kona“ sem ræki „endalaust vægðarlausa“ kosningavél í berorðu viðtali við New York Post í fyrradag.

Þetta þykir koma á óvart þar sem Gingrich, sem er repúblikani, hefur áður hrósað hæfileikum Clinton og vann með henni undanfarið ár að heilbrigðismálum.

Í viðtalinu sagðist Gingrich ætla að ákveða á næstu mánuðum hvort hann myndi sækjast eftir tilnefningu Repúblikanaflokksins til forseta Bandaríkjanna.