49 skotárásir á fyrri hluta árs í Kaupmannahöfn

Átök milli glæpahópa í Kaupmannahöfn það sem af er ári hafa reynt mjög á lögreglu þar í borg. Í nýrri skýrslu segir að á fyrri hluta ársins hafi lögregla farið í á fjórða þúsund vitjanir til að koma í veg fyrir að í brýnu slái milli hópa.

Í Jótlandspóstinum segir jafnframt að 49 tilvik hafi verið tilkynnt vegna byssuskota milli glæpamanna.

Mestur erillinn var framan af ári, en ástandið róaðst nokkuð með vorinu. Morten Bødskov dómsmálaráðherra hrósaði lögreglu fyrir frammistöðuna, en bætir við að enn séu áskoranir framundan og hvergi megi slaka á aðgerðum.

Alls hafa 31 særst í átökunum, vegna árása með skotvopnum eða hnífum, og tveir hafa látist. Rannsóknir á málunum hafa gengið hægt og í lok júní lá fyrir grunur um brotamann í innan við helmingi málanna.