Vændiskaupandi sagðist í tómataleit

Tæplega fertugur Breti, Muhammad Ikhlaq að nafni, var fyrir skemmstu sakfelldur fyrir vændiskaup og dæmdur til greiðslu sektar. Það sem heyrði til tíðinda í málinu var afsökun Ikhlaqs.

Á fréttavef BBC kemur fram að þegar lögregla kom að máli við manninn var hann á leið aftur í bifreið sína eftir að hafa tekið út pening í hraðbanka á meðan kona ein, sem er lögreglu vel kunnug fyrir vændissstarfsemi, beið í bílnum.

Sagði Ikhlaq að konan hafi einfaldlega verið að sýna honum hvar hægt væri að kaupa tómata.

Peningana hafi hann svo ætlað að nota til þess að borga fyrir tómatana.