35 manns fundust í læstum gámi

Á fjórða tug manna fundust í læstum skipagámi á hafnarsvæðið borgarinnar Essex á Englandi í morgun.

Fólkið kom í leitirnar þegar verið var að afferma gáminn, sem kom til Englands frá Zeebrugge Belgíu.  Talsmaður flutningafyrirtækisins segir að undarleg hljóð hafi borist frá gámnum sem vöktu athygli hafnarstarfsmanna.

Fólkið var af báðum kynjum og á öllum aldri. Það var illa á sig komið eftir ferðalagið og voru sjö sjúkrabílar sendir á vettvang til að flytja það á nærliggjandi sjúkrahús.

Tveir eru taldir alvarlega veikir og 19 aðrir, þar af sjö börn, þurfa einnig á læknisaðstoð að halda. Einn fannst látinn í gámnum.

Ekki hefur verið gefið upp hvaðan fólkið er og talið er að um ólöglega innflytjendur sé að ræða. Málið er til rannsóknar hjá lögreglu.