Bush vill leyfa olíuboranir við strendur Bandaríkjanna

George Bush Bandaríkjaforseti hefur beðið þingið um að aflétta 27 ára banni við því að bora eftir olíu við strendur Bandaríkjanna. Ástæða þess eru sú að hann vill auka sjálfstæði Bandaríkjanna varðandi olíu þannig að þau þurfi ekki að reiða sig á innflutning olíu.

Er þessi beiðni hans viðbrögð við þeim miklu olíuhækkunum sem hafa verið að undanförnu en Bush telur núverandi bann við olíuborunum úrelt. Bannið sem sett var á 1981 var til þess gert að vernda ferðamennsku við strendur landsins og hindra að olía læki til lands úr olíuborunarstöðvum.

Forsetaframbjóðandi Repúblikana, John McCain er sammála flokksbróður sínum en mótframbjóðandi hans, Barack Obama forsetaefni Demókrata, vill viðhalda banninu. Er talið að olíumál muni spila stórt hlutverk í komandi forsetakosningum í Bandaríkjunum.