Byrjaður að borga til baka Ingvi Þór Sæmundsson skrifar 13. mars 2017 06:00 Það er ekki hægt að segja að Leroy Sané hafi farið af stað með neinum látum hjá Manchester City. Sané kom meiddur til félagsins og byrjaði ekki deildarleik fyrr en 15. október. Þjóðverjinn skoraði sitt fyrsta mark fyrir City í 2-1 sigri á Arsenal 18. desember en það var eina mark hans fyrir félagið á árinu 2016. En með nýju ári koma ný tækifæri og Sané hefur verið fastamaður í liði City eftir áramót. Strákurinn hefur byrjað 10 af síðustu 11 leikjum City í öllum keppnum en í þessum leikjum hefur hann skorað fimm mörk og lagt upp tvö. Hann er m.ö.o. farinn að sýna af hverju City borgaði 42,5 milljónir punda fyrir hann.Foreldrarnir mikið afreksfólk Sané kemur úr sannkallaðri íþróttafjölskyldu. Faðir hans, Souleyman Sané, var liðtækur fótboltamaður á sínum tíma. Sané eldri fæddist í Senegal en fluttist til Frakklands þegar hann var fjögurra ára gamall. Leiðir hans lágu svo til Þýskalands vegna herþjónustu og þar spilaði hann lengst af. Sané eldri var eldfljótur framherji sem var sagður geta hlaupið 100 metrana á 10,7 sekúndum. Hann skoraði 51 mark í 174 leikjum í efstu deild í Þýskalandi. Sané eldri spilaði líka í austurrísku úrvalsdeildinni og varð markakóngur hennar tímabilið 1994-95, þegar hann lék með Tirol Innsbruck. Sané eldri spilaði einnig yfir 50 landsleiki fyrir Senegal og skírði næstelsta son sinn eftir fyrrum landsliðsþjálfara Senegals, Claude Le Roy. Móðir Leroys, Regina Weber, var ein fremsta fimleikakona heims á sínum tíma. Ólympíuleikarnir í Los Angeles 1984 voru hápunkturinn á ferli Webers en þar vann hún til bronsverðlauna í fjölþraut. Weber vann nánast allt sem hægt var að vinna í Vestur-Þýskalandi áður en hún dró sig í hlé 1987. „Ég fékk hraðann frá pabba og jafnvægið frá mömmu,“ sagði Sané nýlega í samtali við Daily Mail. Bræður hans fetuðu einnig í fótspor föður þeirra. Sá elsti, Kim, spilar fyrir Wattenscheid í fjórðu efstu deild í Þýskalandi og hinn 13 ára gamli Sidi er í unglingaakademíu Schalke og þykir mikið efni.Áhugi Guardiola gerði útslagið Sané lék sinn fyrsta deildarleik fyrir Schalke í apríl 2014. Hann fékk fleiri tækifæri tímabilið 2014-15 en það var í fyrra sem hann sló í gegn. Sané skoraði þá átta mörk og gaf sex stoðsendingar í 33 deildarleikjum og spilaði sína fyrstu landsleiki. Frammistaða hans vakti athygli stórliða í Evrópu en á endanum var það City sem krækti í strákinn. Áhugi Peps Guardiola, knattspyrnustjóra City, gerði útslagið en hann var byrjaður að ræða við Sané áður en tímabilinu í Þýskalandi lauk. Eftir erfiðar vikur í kringum áramótin hefur City náð vopnum sínum á nýjan leik. Guardiola hefur fundið réttu blönduna í sóknarleiknum með Raheem Sterling á hægri kantinum og Sané á þeim vinstri. Þessir eldfljótu og leiknu kantmenn ná ekki bara vel saman inni á vellinum, heldur einnig utan hans.Kantmennirnir ná vel saman „Hann hefur alltaf talað við mig og hjálpað mér mikið. Við erum á svipuðum aldri og höfum svipuð áhugamál. Hann reyndi strax að kynnast mér og hefur alltaf hjálpað mér á æfingum. Eftir leiki segir hann mér að trúa alltaf á sjálfan mig,“ sagði Sané um Sterling sem hefur spilað vel í vetur. Það er ólíklegt að City verði enskur meistari úr þessu enda forysta toppliðs Chelsea 10 stig. En framtíðin lítur vel út á Etihad, ekki síst vegna Sané og Sterling og framfaranna sem þeir hafa sýnt í vetur. Enski boltinn Mest lesið „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Hundraðasti sigur Arteta kom gegn erkifjendunum: „Stoltur af leikmönnunum“ Enski boltinn „Röng ákvörðun af minni hálfu og ég tek fulla ábyrgð“ Íslenski boltinn Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn „Hver karfa skiptir máli þannig að ég varð smá reiður“ Körfubolti „Ekki boðlegt á þessu getustigi“ Enski boltinn Uppgjör: Víkingur - KA 4-2 | Ekkert fær meistarana stöðvað Íslenski boltinn Fowler hjálpaði Man City að styrkja stöðu sína á toppnum Enski boltinn Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Handbolti Fleiri fréttir Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Klopp og Salah rifust á hliðarlínunni Antonio eyðilagði endurkomu Rauða hersins Biðst afsökunar á að hafa rætt við West Ham Arteta hefur beðið Wenger um ráð hvernig eigi að verða meistari Ten Hag bannaði þremur fjölmiðlum að spyrja spurninga Leicester í úrvalsdeildina eftir rassskellingu Leeds Stólpagrín gert að Terry vegna stjörnustæla hans Liverpool nær samkomulagi um Slot Leikmaður Newcastle tók meirapróf Rashford: Nú er nóg komið Finnst De Bruyne betri en Gerrard og Lampard Slot staðfestir að hann vilji taka við Liverpool Einstefna í Brighton Krókur Liverpool á móti bragði Palace á mikilli siglingu Líflausir Liverpoolmenn skrá sig út úr titilbaráttunni Sjá meira
Það er ekki hægt að segja að Leroy Sané hafi farið af stað með neinum látum hjá Manchester City. Sané kom meiddur til félagsins og byrjaði ekki deildarleik fyrr en 15. október. Þjóðverjinn skoraði sitt fyrsta mark fyrir City í 2-1 sigri á Arsenal 18. desember en það var eina mark hans fyrir félagið á árinu 2016. En með nýju ári koma ný tækifæri og Sané hefur verið fastamaður í liði City eftir áramót. Strákurinn hefur byrjað 10 af síðustu 11 leikjum City í öllum keppnum en í þessum leikjum hefur hann skorað fimm mörk og lagt upp tvö. Hann er m.ö.o. farinn að sýna af hverju City borgaði 42,5 milljónir punda fyrir hann.Foreldrarnir mikið afreksfólk Sané kemur úr sannkallaðri íþróttafjölskyldu. Faðir hans, Souleyman Sané, var liðtækur fótboltamaður á sínum tíma. Sané eldri fæddist í Senegal en fluttist til Frakklands þegar hann var fjögurra ára gamall. Leiðir hans lágu svo til Þýskalands vegna herþjónustu og þar spilaði hann lengst af. Sané eldri var eldfljótur framherji sem var sagður geta hlaupið 100 metrana á 10,7 sekúndum. Hann skoraði 51 mark í 174 leikjum í efstu deild í Þýskalandi. Sané eldri spilaði líka í austurrísku úrvalsdeildinni og varð markakóngur hennar tímabilið 1994-95, þegar hann lék með Tirol Innsbruck. Sané eldri spilaði einnig yfir 50 landsleiki fyrir Senegal og skírði næstelsta son sinn eftir fyrrum landsliðsþjálfara Senegals, Claude Le Roy. Móðir Leroys, Regina Weber, var ein fremsta fimleikakona heims á sínum tíma. Ólympíuleikarnir í Los Angeles 1984 voru hápunkturinn á ferli Webers en þar vann hún til bronsverðlauna í fjölþraut. Weber vann nánast allt sem hægt var að vinna í Vestur-Þýskalandi áður en hún dró sig í hlé 1987. „Ég fékk hraðann frá pabba og jafnvægið frá mömmu,“ sagði Sané nýlega í samtali við Daily Mail. Bræður hans fetuðu einnig í fótspor föður þeirra. Sá elsti, Kim, spilar fyrir Wattenscheid í fjórðu efstu deild í Þýskalandi og hinn 13 ára gamli Sidi er í unglingaakademíu Schalke og þykir mikið efni.Áhugi Guardiola gerði útslagið Sané lék sinn fyrsta deildarleik fyrir Schalke í apríl 2014. Hann fékk fleiri tækifæri tímabilið 2014-15 en það var í fyrra sem hann sló í gegn. Sané skoraði þá átta mörk og gaf sex stoðsendingar í 33 deildarleikjum og spilaði sína fyrstu landsleiki. Frammistaða hans vakti athygli stórliða í Evrópu en á endanum var það City sem krækti í strákinn. Áhugi Peps Guardiola, knattspyrnustjóra City, gerði útslagið en hann var byrjaður að ræða við Sané áður en tímabilinu í Þýskalandi lauk. Eftir erfiðar vikur í kringum áramótin hefur City náð vopnum sínum á nýjan leik. Guardiola hefur fundið réttu blönduna í sóknarleiknum með Raheem Sterling á hægri kantinum og Sané á þeim vinstri. Þessir eldfljótu og leiknu kantmenn ná ekki bara vel saman inni á vellinum, heldur einnig utan hans.Kantmennirnir ná vel saman „Hann hefur alltaf talað við mig og hjálpað mér mikið. Við erum á svipuðum aldri og höfum svipuð áhugamál. Hann reyndi strax að kynnast mér og hefur alltaf hjálpað mér á æfingum. Eftir leiki segir hann mér að trúa alltaf á sjálfan mig,“ sagði Sané um Sterling sem hefur spilað vel í vetur. Það er ólíklegt að City verði enskur meistari úr þessu enda forysta toppliðs Chelsea 10 stig. En framtíðin lítur vel út á Etihad, ekki síst vegna Sané og Sterling og framfaranna sem þeir hafa sýnt í vetur.
Enski boltinn Mest lesið „Mér leið eins og ég væri í Keanu Reeves mynd“ Íslenski boltinn Hetjan Orri Steinn eftir þrennuna: Besta tilfinning í heimi Fótbolti Hundraðasti sigur Arteta kom gegn erkifjendunum: „Stoltur af leikmönnunum“ Enski boltinn „Röng ákvörðun af minni hálfu og ég tek fulla ábyrgð“ Íslenski boltinn Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn „Hver karfa skiptir máli þannig að ég varð smá reiður“ Körfubolti „Ekki boðlegt á þessu getustigi“ Enski boltinn Uppgjör: Víkingur - KA 4-2 | Ekkert fær meistarana stöðvað Íslenski boltinn Fowler hjálpaði Man City að styrkja stöðu sína á toppnum Enski boltinn Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Handbolti Fleiri fréttir Hundraðasti sigur Arteta kom gegn erkifjendunum: „Stoltur af leikmönnunum“ „Ekki boðlegt á þessu getustigi“ Fowler hjálpaði Man City að styrkja stöðu sína á toppnum Meistarar Man City halda í við topplið Arsenal Bournemouth fór illa með Brighton Arsenal vann kaflaskiptan Norður-Lundúnaslag Segir að VAR skaði ímynd enska boltans Stendur með Salah og skilur pirring hans Ten Hag segir sitt lið þróttmikið og eitt af þeim skemmtilegri í deildinni Chelsea hjálpaði Tottenham með því að ná í stig gegn Villa Klopp: Verð hamingjusamur ef rétt ákvörðun er tekin Newcastle setti met þegar það skaut Sheffield niður um deild Enn ein vonbrigðin fyrir United Salah eftir rifrildið við Klopp: „Ef ég tala mun allt loga“ Klopp og Salah rifust á hliðarlínunni Antonio eyðilagði endurkomu Rauða hersins Biðst afsökunar á að hafa rætt við West Ham Arteta hefur beðið Wenger um ráð hvernig eigi að verða meistari Ten Hag bannaði þremur fjölmiðlum að spyrja spurninga Leicester í úrvalsdeildina eftir rassskellingu Leeds Stólpagrín gert að Terry vegna stjörnustæla hans Liverpool nær samkomulagi um Slot Leikmaður Newcastle tók meirapróf Rashford: Nú er nóg komið Finnst De Bruyne betri en Gerrard og Lampard Slot staðfestir að hann vilji taka við Liverpool Einstefna í Brighton Krókur Liverpool á móti bragði Palace á mikilli siglingu Líflausir Liverpoolmenn skrá sig út úr titilbaráttunni Sjá meira
Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn
Uppgjör og viðtöl: KR - Breiðablik 2-3 | Blikar sóttu þrjú stig á grasinu í Vesturbænum Íslenski boltinn