Innlent

Tugir tilkynninga um tjón hafa borist tryggingarfélögum

Lillý Valgerður Pétursdóttir skrifar

Tugir tjónatilkynninga hafa borist tryggingarfélögum í dag en búist er við að fjöldi tilkynninga til viðbótar berist á næstu dögum.

Nokkuð tjón varð í óveðrinu í gær víða um land. Töluvert tjón varð á húsnæði fiskimjölsverksmiðju Ísfélagsins í Vestmannaeyjum. Þar rifnað klæðning af húsinu. Vestmanneyingar eru nokkuð vanir slæmum austanáttum en mun sjaldgæfara er að norðanátt láti finna fyrir sér líkt og gerðist í gær. Í Vestmannaeyjum varð einnig tjón á húsnæði Vinnustöðvarinnar og tré rifnuðu upp með rótum í bænum.

Tugir tjónatilkynninga bárust tryggingarfélögunum í dag. Hjá þeim fengust þær upplýsingar að tilkynningarnar séu þó færri en búist hafi verið við. Þó ber að hafa í huga að það tekur alla jafna nokkra daga að fá allar tilkynningar inn á borð tryggingarfélaganna. Þau tjón sem tilkynnt hefur verið um eru aðallega foktjón. Rifnar þakplötur, brotnir gluggar og skemmdir á bílum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.