City kláraði Arsenal í fyrri hálfleik

Ingvi Þór Sæmundsson skrifar
Maður leiksins, Kevin De Bruyne.
Maður leiksins, Kevin De Bruyne. vísir/getty

Manchester City átti ekki í miklum vandræðum með að leggja Arsenal að velli í stórleik helgarinnar í ensku úrvalsdeildinni. Lokatölur 0-3, Englandsmeisturum City í vil.



Öll þrjú mörkin komu í fyrri hálfleik. Kevin De Bruyne var í aðalhlutverki en hann skoraði tvö mörk og lagði upp eitt.



De Bruyne kom City eftir eftir aðeins 89 sekúndur. Hann skoraði þá með góðu skoti eftir sendingu frá Gabriel Jesus.



Á 15. mínútu skoraði Raheem Sterling annað mark City eftir skyndisókn og sendingu De Bruynes.

Belginn skoraði svo þriðja mark City með nákvæmu vinstri fótar skoti fimm mínútum fyrir hálfleik. De Bruyne var nálægt því að skora sitt þriðja mark undir lok fyrri hálfleiks en Bernd Leno, markvörður Arsenal, varði frábærlega í stöng.



Seinni hálfleikurinn var frekar tíðindalítill og fleiri urðu mörkin ekki.



City er í 3. sæti deildarinnar með 35 stig, 14 stigum á eftir toppliði Liverpool. Arsenal er í 9. sætinu með 22 stig.

Bein lýsing

Leikirnir




    Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
    Velkomin á Vísi. Þessi vefur notar vafrakökur. Sjá nánar.