Kane með þrennu er England tryggði EM sætið með stæl

Ástrós Ýr Eggertsdóttir skrifar
Kane var sjóðheitur í fyrri hálfleik
Kane var sjóðheitur í fyrri hálfleik vísir/getty
Englendingar tryggðu sæti sitt á EM 2020 með stórsigri á Svartfjallalandi á Wembley í kvöld.

Enska liðið mætti í leikinn af miklum krafti og var Alex Oxlade-Chamberlain búinn að koma þeim yfir á 11. mínútu.

Þá var komið að Harry Kane að láta ljós sitt skína en hann skoraði þrennu á tuttugu mínútna kafla í fyrri hálfleik. Marcus Rashford setti eitt mark á milli marka Kane og var staðan 5-0 fyrir Englendingum í hálfleik.

Heimamenn gátu slakað aðeins á bensíngjöfinni í seinni hálfleik og skoruðu þeir aðeins tvö mörk í honum. Annað var sjálfsmark Svartfellinga og Tammy Abraham kláraði leikinn á marki á 84. mínútu.

Stig hefði dugað Englandi til þess að tryggja EM-sætið en þeir gulltryggðu það með stórsigrinum.

Bein lýsing

Leikirnir






    Fleiri fréttir

    Sjá meira