„VAR er drasl“
Michael Platini, fyrrverandi forseti UEFA, er ekki hrifinn af myndbandsdómgæslunni (VAR).
„Þú þarft hálftíma til skýra út af hverju þetta lagar ekkert,“ sagði Platini í ítalska sjónvarpsþættinum Che tempo che fa.
„Ég er á móti VAR og finnst það vera drasl. Það verður ekki aftur snúið úr þessu.“
Platini hefur afplánað fjögurra ára bann frá fótbolta sem hann fékk fyrir að þiggja mútugreiðslur frá Sepp Blatter, fyrrverandi forseta FIFA.
Platini var einn besti fótboltamaður heims á sínum tíma og fékk Gullboltann þrjú ár í röð (1983-85).
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
